上年聖誕節收o左份好好o既聖誕禮物, 有Sophie陪住過, 雖然佢只得一個月人仔, 但係已經感覺無限暖意.
今年聖誕, Sophie已經一歲啦. 佢已經自己識行識走, 我o地唔駛再匿埋係屋企照顧佢, 可以一齊去街街, 共渡佳節!
今年聖誕真係好忙碌, 24號一家人去咗Disney玩咗半日, 同Mickey影咗相, 去睇世界真細小, 玩埋旋轉木馬. 最後睇埋煙花先走… 玩到亞囡頂唔住, 由七點九瞓到第二朝九點先起身… 嚴重體力透支, 呵呵呵~~~
25號晚就去o左團長屋企同朋友一齊過, 食生蠔, 食意大利o野, 抽禮物, 真開心….. Sol, 我份禮物真係好有用o架…. 你每次用都會想起我!! 嘻嘻~~
26號, 去了老婆o既七姨屋企, 成十幾人過boxing day, 吵吵鬧鬧又一日…. 亞囡第一次同狗仔接觸, 居然佢唔怕, 仲追住兩隻狗仔o黎玩…. 估唔到, 估唔到!!
今年亦因為亞囡, 特別去買o左棵聖誕樹返屋企, 裝飾得靚靚咁, 等亞囡感受一下聖誔節氣氛!!
回望之前咁多年聖誕, 一樣開開心心過, 一樣有好多節目, 但原來有o左亞囡, 真係會變得不一樣….
圖片取材自 timesofindia.indiatimes.com