Day3, 噚晚 google 一下附近有沒有美味的早餐, 因為老婆喜歡食三明治, 所以搜尋主題都係三明治為主. 搵搵下, 發現酒店附近又有一間好味道嘅三明治店, 叫做早餐研究所. 第二朝一早去, 點知…. 是日休息!! 好彩, 係附近繞一圈, 發現原來附近又有一間專門做三文治嘅早餐店, 叫做早安日和. 兩個字, 好正…. 估唔到食唔到嗰間, 食到呢間, 好味道…
食飽飽之後再去台灣動物園。今日正好係台灣假期開始，所以動物園勁多人，都要排一陣隊先入到場, 不過由於動物園真係好大，所以就算咁多人, 都一啲都唔覺得擠迫。上次只係睇咗一半動物，今次就剛剛好睇埋剩下的一半。 大滿足！！ 亞女們都好高興, 好開心, 不停話好多動物, 好好睇…. 加埋入場費實在太平啦，完全係一個平靚正嘅親子活動。
晚上去咗個在地人推介嘅地方食晚飯 – 暪著爹。 係日本料理，呢度有三間暪著爹，一間係居酒屋，一間係壽司，一間係丼飯店，記住，我哋食嘅係丼飯店，唔好去錯。因為我哋都兜咗好耐先搵到, google map又指引錯咗去第二間, 明明可以早十五二十分鐘食到, 就係因為搵路浪費咗時間. 間嘢真係好好食，終於我今次唔駛淨係食吉列滑蛋豬扒飯啦！好味道。又再一次大滿足！
早安日和 店址: 台北市大安區復興南路一段122巷10-5號
臺北市動物園 地址: 台北市文山區新光路二段30號
暪著爹丼飯店 店址: 台北市松山區八德路二段346巷9弄17號
