Skip to content

台北無限復活 (2018-April-05)

Day 4, 酒店 check out, 然後拖住行李去桔梗三明治嘆一個美味早餐.  連續兩日都食三明治?  放心, 呢度有其他歐陸早餐食的, 不過又食三明治做早餐又有乜問題呢?  哈哈哈..  呢間舖喺條橫街, 所以環境都算清靜, 裡面裝修又有啲書卷味, 又有啲歐洲味, 感覺舒服. 

而今日嘅重頭戲就係去 KidsAwesome奧森兒童博物館畀小朋友放電. 呢度就喺我哋今晚入住旅館嘅後面, 所以都好方便.  呢度好大, 有兩層定三層呢?  唔係好記得.  不過呢度好多嘢畀小朋友玩, 有超級市場畀小朋友做生果, 蔬菜, 肉類, 飲品嘅分類, 又有收銀機畀佢哋做收銀員; 仲有得玩吊繩, 水彩畫, 仲有泡泡玩, 真係玩唔停.  而我哋兩公婆, 當然可以抖下啦.  中午就去咗食 KIKI 麵.  食飽飽之後再返 KidsAwesome 繼續放電.  咁樣玩法, 都唔知亞女係咪頂得住.  玩到人哋收舖, 我哋就拎埋行李去旅館 Check in. 

休息咗陣, 我哋晚上去鼎泰豐(總店)食個馳名嘅小籠包做總結。 鼎泰豐總店相距旅館只係兩三個捷運站, 所以每次我都會選這間旅館, 本身早餐好味道, 地點也很好.  今日遲咗去拎位, 要等咗差唔多一個鐘先可以坐低食嘢, 當然又係食返我至愛嘅小籠包啦….  同第一日嘅京鼎樓相比, 其實又好似差唔多… 京鼎樓多啲肉汁, 香濃啲.  但係又好似食慣咗鼎泰豐嘅味道, 好難選擇…..  唯有每次兩間都去食啦!!  呵呵呵~~  食飽飯就係附近嘅永康街行下, 散下步, 消化一下…  

hea足一日,真係充實。 究竟我係hea定充實呢?又好似hea得嚟又充實,又得唔得呢。

桔梗三明治 (早餐)  店址: 台北市信義路三段150之2號一樓

Kiki 麵 Noodle Bar  店址: 台北市大安區信義路四段186巷17號

鼎泰豐信義總店    店址: 台北市大安區信義路二段194號

KidsAwesome 奧森兒童博物館  店址: 台北市大安區信義路三段No. 153號

Published in周遊列國

Be First to Comment

Leave a Reply