Day 5, 今日台北天氣預報話會落雨，原本打算再去猴桐探貓貓, 不過驚落雨, 所以今日就改為去行下街，唔去貓貓村。咁啱阿太有個朋友都嚟咗台北，見到佢post咗個好正嘅地方，有嘢食, 有嘢睇, 咁就梗係跟住去啦！
首先係旅館食咗個靚靚早餐, 當然係食我最愛嘅帕尼尼早餐, 阿太就食台灣粥, 食飽就出發. 原來個地方就係中山站，跟我原來計劃嘅第一天某個景點（赤峰街）好近。嗰度係一啲好文青嘅地方，好多cafe店，好多飾物店，書店。。。而附近就係台北光點，真係好文青。只係一出捷運站, 我哋已經被四周商店吸引住, 無啦啦被一間賣傻豹嘅舖頭吸咗入去, 仲要失手買咗好多嘢… 真係此地不宜久留, 即刻去嗰間家具店先，去到當然睇下家品啦，然後。。。。。又係食食食，佢嘅鐵鍋鬆餅真係好好味，甜品又好正，最正係佢嘅奶茶，奶茶控應該幾鍾意。赤鋒街由幾條巷組成，不同店舖, 不同喫茶店, cafe, 真係總有一間啱你心水. 居然係度見到有間 Urban Select 嘅專門店, 我哋喺香港已經成日買佢嘅創意家品, 估唔到佢有間專門店係度, 點都要入去拜一拜會啦. 唔入由自可, 一入就弊傢伙…. 亞女畀一隻飛天鳥吸引住咗, 不停話要帶佢返屋企, 來來回回幾次門口, 不停話好想要…. 我就問佢, 買咗呢隻鳥嘅話, 咁跟住落嚟嘅行程都唔可以再買其他嘢啦. 佢認真咁考慮咗一陣, 然後就話好. 連個店員都話亞女好喜歡呢隻鳥, 又話終於感動到爸爸買畀佢. 恭喜晒佢咁話…. 又破財!! 係度不停行, 咁就消磨咗幾個鐘。差唔多四點幾就轉戰吳寶春麵包，買咗包包做下 snacks, 然後再去誠品信義店行兒童書品部。 每次嚟呢個地方，都梗係要放低錢，今次連我都有買到書，唔知係咪畀早上嘅文青風感染咗呢？
NiHao Cafe Hotel 店址: 台北市大安區信義路三段147巷5弄4號
瑪黑家居選物旗艦店 店址: 台北市中山區中山北路二段36巷18號
Urban Select 店址: 台北市中山區中山北路二段20巷15號
吳寶春麵包 舊店址: 台北市信義區菸廠路88號(誠品生活松菸店 B2) 現已搬往: 台北市信義區信義路五段124號
