Skip to content

台北無限復活 (2018-April-07)

Day 6, 瞓到自然醒,本身諗住去食伯樂三文治, 係一個香港人叔叔移民去台灣之後開嘅三明治店, 有點似洪瑞珍, 但係我覺得佢好食啲, 可能大家都係香港人,有感情分….  不過…….點知台北站間店執咗.  唯有轉戰去洪瑞芳。  一買就買咗成六份, 忍唔住口, 差唔多係人哋門口已經食晒咁滯.  噚日驚落雨, 無去到貓貓村, 今日就去返,要搭成個鐘火車,加上臨近中午時分,當然要試埋正宗嘅鐵路便當啦!其實鐵路便當係唔好食, 只係感受一下, 坐鐵路食便當嘅感覺.   去到貓貓村,同貓貓影完相,嘆埋個下午茶,咁就hea咗一日,懶洋洋,唔駛做, 唔駛諗嘢嘅時間, 真係好放鬆, 好正。差唔到入夜就搭返鐵路返台北市中心.

晚餐? 梗係要去一去飯堂啦, 意舍旅館裡面嘅一間叫吃吧餐廳。正~~  上次同朋友食過之後, 真係覺得唔錯, 亞太話好喜歡, 所以變咗飯堂, 今次嚟到當然要去食下啦.  佢哋嘅方型 Pizza, 真係勁好味.  墨魚海鮮細麵, 又係必食之選.  呢度環境好好, 又靜, 真係西門町嘅一個好地方.  下次你哋嚟西門町, 都可以上嚟吃吧食晚飯.   

洪瑞珍三明治(台北火車站店)  店址: 台北市中正區延平北路一段五號

意舍 – 吃吧  店址: 台北市萬華區武昌街二段77號

Published in周遊列國

Be First to Comment

Leave a Reply