大家好奇怪呢… 點解我會寫 apple o野. 本身我又唔用 iphone, 又唔用 mac 機, 最叻只係有部 ipod nano. 無啦啦做乜寫 apple. 係咪想做反 apple 派, 寫篇文章o黎踩 apple?
非也非也… 各位 apple 迷千祈唔好誤會. 我今次係想讚好!! 今次要讚乜? 就係要讚下 ios5, 應該咁講, 係讚 apple 先真.
新推 ios5 有一個新功能, 就係 iCloud. 大家如果有睇雜誌, 應該都大約知道, 不過有可能又有人未知, 咁我就係呢度講講. 其實 iCould最大好處係將所有資料備份到網上(俗稱: 雲端). 有乜好處? 就係大家唔駛再用好討厭o既 iTunes o黎做備份, 雖然今次雲端備份資料容量唔多大(將來有可能會增加), 但係已經係好o既開始. 另一樣就係 OTA 功能, 又係唔駛再透過 iTunes o黎更新 apple firmware. 而 iMessage 又係追上潮流之作(類似 WhatsApp
), 但可惜現階段只限於 ipad, iphone 之間互傳短訊.
唓, Android 
機好多已經有 OTA, 而家都用緊 WhatsApp, 同埋Android 不嬲都唔駛透過特別程式o黎備份, 過 data. 咁 apple 又有乜咁抵讚呢? 大家講得好, apple 只係一個遲o黎o既升級更新, 令到大家享受別人一早有o既功能. 當然, 我要讚o既唔係佢o既功能, 其實我要讚 apple o既野心.
大家都知 apple 好專制. 乜都要透過佢 firmware 升級先可以開放某樣功能, 或者 JB 佢, 先可以裝其他軟件, 豐富 ipad, iphone 功能. 但係今次 apple 好明顯, 佢係想將 ipad, iphone 用o黎取代個人電腦. 我近排問o左幾個朋友, 佢o地自從有o左 ipad, 好多時都已經無再開過本身部 PC/Notebook, 要開都係因為要備份 ipad 資料, 或者係過 mp3. 而家睇網頁, 
facebook, 微博, check email, msn 都係用 ipad. 但係如果 iOS5 之後, 佢o地根本連電腦都唔駛開, 備份? iCloud 啦, update firnware? OTA 啦. 咁………. 仲有乜理由要開電腦呢? ipad 又可以帶出街, 又可以睇 word, excel file, 重要係佢一開機就用得, 唔駛等就即刻用得. 真係諗唔到有乜理由繼續用 PC/Notebook. ipad 出之前, 好多專家都唔睇好, 只係一部放大版 iphone, 但係估唔到, 而家居然有可能會取代電腦o既可能. apple 野心真係可以顯然而見. 其實講o左咁耐, 只係話比大家知, 無論 ipad, 或者係 Android o既 pad (Samsung Galaxy Tab, Motorola Xoom..), 係可見o既將來都係一個非常有前景o既產品. 估計會愈來愈多. 相信大家都會有一台係屋企看門口.
忽發奇想, 或者將來, 各位o既手提都係變成公司電話o既一部分. 當大家進入公司, 手提電話會自動變成公司電話o既一部分, 即係檯頭電話機, 無論打分機號碼或者直線號碼, 你都只需要用手提電話o黎接聽; 當離開公司, 系統就會將公司電話飛到個人號碼上, 咁…. 哈哈….大家都可以無時無刻都可以接聽公司電話啦.
圖片取材自 www.xatakamovil.com