荃灣區籃球聯賽 – 第九場

日期 : 13/Aug/2007 晚上 09:00
地點 : 蕙荃室內體育館
賽果 : 55 : 34 (Animals United vs PISA)

敗了, 敗了下來.  今場比賽, 只係頭三分鐘係領先之外, 就一路輸到落尾, 慘敗.  

今場比賽, 我o地又去o左另一個比賽場地, 呢個場就係蕙荃室內體育館, 感覺唔錯.  不過位置比較麻煩, 話就話係荃灣, 其實係大窩口地鐵站出會近o的o的.  今場對手質素明顯係高班過我o地好多, 人o地有教練, o的球員又大隻, 又高大, 最重要係對手睇得出係有戰術, 即係話平時訓練有素, 並唔係吔吔嗚咁打.

今場比賽, 真係遇到一隊訓練有素o既球隊, 佢o地用o左唔同o既戰術, 完全係比賽中運用出o黎, 外線三分, 單擋, Pick n Roll, 內線強打, 乜都出齊.  而且對手手感真係熱到不得了, 單單第一二節, 對手o既一號仔, 已經差唔多射入o左四五球三分球, 真係射到停不了.  無論係外線, 內線同埋戰術, 對手都比我o地好, 所以真係無話可說!!

其實真係要諗諗, 我o地唔可能再係咁單單靠個人能力, 間中o既合作去比賽, 我o地球隊真係要有一套系統去訓練, 大家夾下一o的戰術o既運用, 如果再係咁落去, 真係只有敗, 敗, 敗!

又係o個句, 下場繼續努力.