第一次 Blog!
第一次學人走去寫 Blog, 原來都幾難! 首先要去搵一個網站o黎放自己個blog, 係網上面真係有好多 free o既 Blog 站, 但唔係個個都好. 點為之好, 以我o黎講, 首先 要user friendly, 其二係要多界面選擇, 第三係可以 support 中文等等…. 經過o左好多日o既搜尋,我仍然係搵唔到一個我合心水o既網站, 講真, 其實有可能係我自己蠢, 搵親o既網站都好似好複雜, 好難用, 如果唔係就要比錢, 咁就會有好靚, 好用o既功能, 版面. 所以我最後決定自己搵一個 tools 去建立一個 Blog, 我都唔知呢個 tools 係咪好, 但係起碼我摸o左一輪之後, 都識得用, 界面都幾多, 都幾清, o岩我口味!!! 搵到網站之後, 就要諗下有乜題材寫落o黎比大家睇. 呢樣難度真係大, 無啦啦要寫o的感受, 所見所聞, 都唔係一時半刻可以諗到, 如果無中生有, 亂咁作, 咁就失去o左寫 Blog o既意義.
好多人緊會問, 點解無啦啦你條友仔走去學人寫 Blog, 以你份人咁鬼懶, 點會做埋o的咁o既o野呀? 答案其實都好鬼簡單, 只係我近排見到好多朋友都寫, 咁咪貪過癮走去寫下囉… 有可能寫呢篇o野就係最後一篇都唔定! 嘻嘻~~~
而第一篇o既題目係 – 第一次 Blog, Block
點解用呢個題目?? 好簡單o者, 差唔多音, 不其然咁聯想埋一齊!
第一次 Block!
第一次學人走去 Block Shoot, 應該係中學 F.2 o既時候! 而我打籃球應該係由小學開始, 但係小學教練唔知點解當時無教我 Block 呢樣o野啦, 只係叫我o地射波. 或者當時對我o地呢班小朋友o黎講, 入波係最開心o掛, 加埋入波就等同贏波, 所以教練都無講咁多防守o既技巧比我o地, 亦無灌輸防守o既意識比我o地. 而後來升到上中學, 加入o左校隊, 教練都係無乜點講防守, 只係要求體能同埋進攻呢兩個重點. 之後我係一場放學後o既三人賽中, 我見到我o既隊友, 佢好拼命咁去起跳封阻射球, 每一次封阻之後, 佢都會講, 差少少就可以成功, 而其中一次真係比佢封到, 然後我隊入埋波而獲勝, 佢o個時真係好開心, 而作為隊友o既我, 亦明白到 Block Shoot o既重要性, 應該係話防守o既重要性, 因為可以令到自己多一個進攻機會. 而由呢一場比賽之後, 我都會好努力咁去防守, 終於記得第一次 Block Shoot o既情景係…….
打緊三人賽時, 我防守o既時候, 因為我腳步稍為慢o左一o的, 比對方快一步過o左我, 繼而起步上籃o既時候, 我飛身從後趕過o黎打走o左個波, 嘩~~~ o個一刻真係一個字: 爽!! 呢個情境, 我仲歷歷在目.. 其實唔止入波, 入樽呢o的動作, 一個好o既 Block Shot 同樣可以激勵到隊友, 可以帶起士氣. 而且仲可以令到對方唔敢咁輕易再入o黎籃底搵食.
圖片取材自 neilpatel.com