Skip to content

文康盃 – 第一場

日期: 17/Aug/2006
地點: 石硤尾露天籃球場
賽果: 29:26 (Devil vs PISA)

今日係文康盃o既第一場比賽, 真係估唔到, 咁多年後都仲有機會參加正式o既籃球比賽.  其實呢次可以打比賽, 都係因為我好朋友亞 ken o既關係, 因為佢搬o左去珀麗灣住, 咁佢o地個屋苑有籃球隊,  逄星期二晚都會有波打, 咁我同另一個朋友 Sol 咪走埋入去一齊打囉!!  

其實都無諗過佢o地會報埋我名, 因為上屆佢o地都係搵自己屋苑o既人打! 我去打波o既原因都係諗住平時要運動下, 加埋有人 book 場, 個個星期固定時間地點, 咪當做運動, Keep Fit 囉!  點知佢o地會受埋我o地一齊玩, 報埋我o地名.  所以先有呢個機會.

講返盃賽先, 對手個名係叫 Devil , 好厲害 ~ 個名, 聽到都覺得恐怖!  今日比賽時間係 7:00pm.  本身諗住今日唔去打o既, 係因為我左眼下線早一個星期前生o左粒蒼, 而今日就係我去眼科中心做眼蒼手術o既日子, 中午十二點半做完手術, 隻眼仲要蓋住沙布, 由於我諗住今晚去唔到打, 所以我就打比亞 Ken 問今日夠唔夠人打, 點知, 原來計埋我, 得六個人會o黎打比賽, 佢話我一定要到, 唔可以唔到, 所以唯有係五點半出發到比賽場地.

到達比賽場地, 擾攘一輪, 比賽正式開始, 因為得五個人, 所以我係首發, 好耐都無呢種感覺, 一種久違o左o既味道, 有觀眾, 有球証, 有對手, 有緊張感, 實在有……好多好多o既回憶啦!!  仲有, 仲有就係比我發現到對手有人係現場拍 video 呀, 真係想問佢借o黎 dump 一餅返屋企重溫!! 

 今晚o既對手其實唔係勁, 不過其中一兩個隊員有身材, 但係並唔構成我o地輸o既理由!  比賽一開始, 分數都係比對手 lead 住兩三分左右, 後來係中段, 可能自己仲未習慣比賽節奏, 呼吸方面有o的問題出現o左, 但係好彩…  好快就調節到.  當打完上半場, 大家係體力上付出o左好多, 所以大家都好爭取時間休息.  進入下半場, 亞 Ken 帶住受傷o既手再次入場, 係佢o既單擋之下, 我有四分打o既出現, 即係我入了三分波而且受到侵犯從而獲得一個罰球o既機會.  但好可惜, 我o地未能乘住呢股勢而搶得領先o既地位.

總結呢場比賽, 我o地o既失敗係有幾方面, 
人腳唔齊係原因之一, 因為一場比賽真係需要負出大量體能, 而我呢個老人家, 真係要好好操下體能先得; 
第二樣係大家互相走位配合都未夠, 即係大家對大家o既波路唔熟;
第三樣係籃板球數目比人少, 好多時都比對手衝o左入o黎搶籃板球, 對手有 second chance 去射波;

所以希望下一場比賽可以人齊, 咁就會好打o的!!!

Published in運動

Be First to Comment

Leave a Reply