Skip to content

文康盃 – 第二場

日期: 26/Aug/2006
地點: 摩士公園室內運動場
賽果: 48:38 (自力 vs PISA)

今日 26 號晚上 6 點, 我o地打第二場比賽, 今次比賽總算叫人齊, 差不多有九個人, 所以我可以有機會休息!

係前一日, 我特地上o左香港籃球總會o既網站, 去查下對手o既資料.  佢o地個隊名叫 – 自力.  嘩, 唔查猶自可, 一查就弊傢伙, 居然比我睇到佢o地第一場o既比分 – 51:21, 佢o地足足贏對手 30 分.  所以今日真係有o的擔心.  但係點都好, 都要比賽, 參加得就要盡力去做到最好!!

5:30pm 去到比賽場地, 又係擾攘一輪, 等到六點, 射o左一輪波, 做完熱身之後就正式開波!  之前熱身時見到對手, 發覺對手差唔多個個都比我大, 係指年齡上面, 當然身高都有幾個達六呎.  所以我o地就決定以快打慢, 用快節奏去撕開對手o既防線.  果然呢個策略係正確o既, 我o地成功咁箝制佢o地o既得分, 經過o左頭三節, 我o地暫時領先對手 6 分.  進入第 4 節後, 唔知係咪經驗差距o既關係, 還是心態上面o既出錯, 我o地係防守方面出現極大o既漏洞, 一開始頭三四分鐘, 居然由贏 6 分變到輸 6 分, 係呢個時候, 更加突顯出我o地心理上o既差異, 我o地顯得好急燥, 好想追返比分, 但係由於對手畢竟係有經驗, 即係我o地所講o既老鬼波, 佢o地不斷駛出小動作, 一方面避開球證o既判罰, 一方面仲可以令到我o地更加急燥, 增加失誤, 我o地最後輸埋呢場比賽!

總結呢場波, 我o地其實發揮得好好, 每個人都做到賽前部署, 而我今場o既得分 (15 分, 上場 11 分) 亦比上場多, 但好可惜, 又係唔可以擊敗對手.  敗因可以話係輸自己, 大家打o左 3 節好波, 第 4 節就係毁於自己手 –  防守失誤, 急燥,  拱手將勝利俾人!!  可惜!  

希望下場最後一場比賽, 可以挽回一勝!!  爭返啖氣!

Published in運動

Be First to Comment

Leave a Reply