媽子，今日好多人嚟咗送您最後一程，證明您人緣好好呀，您啲仔仔女女，孫仔，孫女，外孫仔，外孫女都嚟晒，福氣，福氣。您唔駛掛心，個個都會生性，個個都會孝順，個個都會睇住老豆，照顧好老豆。您就去玩下，輕鬆下，鍾意去邊玩就去邊啦! 聽日就送您上山，一路好走!! 6-Oct-2017

一直都覺得自己係好硬淨。一直都覺得自己可以頂得住。一直都覺得自己可以淡然面對。但原來當真係出現要面對事實嘅時候，真係令人好難受。雖然之前已經預咗，但當到嚟嘅時候，無論你點硬淨，點講自己可以頂得住，之前點諗乜嘢淡然面對，到嚟嘅時候真係。。。。2017年9月17日，下午2：45分。媽媽，一路好走! 永遠懷念妳!! 圖片取材自 https://www.pinterest.com/panhaemmanuel/rip-images/

阿囡又一窩心鉅獻。。。 又送咗包維他奶比我飲!!! 窩心!! 圖片取材自 ezvivi3.com

原來已經咁耐了。 圖片取材自 huntsengland.co.uk