Skip to content

Category: Home Sweet Home

菲常蘇 – PaRt 1

之前話要分享下我係產房出面o既情況比大家知, 而家講住 D D先 係等待Sophie出嚟期間, 真係好無聊, 等等等~~~ 話說我係產前檢查房出面等時, 見到待產房出面有個男人”禁”鐘仔去問老婆情況, 因為佢老婆應該好快會生, 好快要移去產房, 所以佢好緊張.  男人: 姑娘, 我老婆幾時生呀? 幾時要落去產房呀?姑娘: 好快o架啦! 你唔好走開呀! 佢就嚟要落去..男人: 吓, 咁即係幾耐到…? 姑娘: 唔知o架, 總之好快要落去..你係咪要陪產呀.. 陪產就唔好走開..…

Victo 生日啦!!

Happy Birthday To VICTO~~~~~ 今年原本打算去大嶼山或者長洲同 Victo 慶祝生日, 點解會去呢兩個地方?  因為好似好耐都無去過了, 所以就搵個藉口去下囉….  又原本打算一早出發, 點知 Victo 又約o左屋企人去飲早茶, 搞到個 plan 錯晒!!  諗住佢都係飲早茶, 十一, 十二點左右應該返o黎, 點知佢成點幾兩點先返….  咁晏, 仲可以去邊慶祝?   哈哈, 突然間腦袋一轉, 真係無諗過自己仲咁有衝動, 我居然話去澳門走一轉…..  坐言起行, 二話不說就換衫出發上船, 到澳門已經係下午四點九.  由於真係o黎o左澳門太多次啦,…

再見了~~

繼一月頭外婆過o左身之後, 昨晚返屋企食飯, 又聽到個唔開心o既消息, 就係抱病多時o既伯父都係早幾日離開了!  估唔到新年前外婆走o左, 而新年後伯父又走埋…  早幾日同o的客講開, 原來近排都好多人都離開o左, 個客本身都有親屬走o左, 仲有大家都知道o既開心果 – 肥姐都離開o左啦, 連影音界都失去o左 HD DVD 呢個高清選手! 一個一個不幸o既消息接踵而來, 伴隨住o既當然係唔開心啦.  但係另一方面諗, 佢o地都受o左病魔咁耐o既折磨, 離開都係一種解脫.  身邊人見到佢o地咁辛苦, 真係有苦自己知.  好似外婆瞓係醫院o個兩三個星期, 大舅父日日煲湯, 定時定候去醫院探佢, 我o地呢o的外孫就每個星期都搵一兩日去探佢, 見到佢時真係好心酸, 見佢坐唔安, 瞓唔落,…

Death、新生

十一月經歷o左一個親人o既離去,然後又一個新生命o既誕生。感覺好奇怪?! 人o既生命真係好奇怪,有o的人可以活到百歲,就算係又煙又酒,一樣可以;但係有o的人乜都唔好,無煙無酒,早早起,偏偏就英年早逝。究竟點樣先可以做到長命百歲?真係…..!好似係十一月頭,返屋企食食吓飯,老媽子話十一月七號去表弟兆明o既葬禮,當時真係愕o左然,點解無啦啦會死o左?雖然近年都知佢身體係差,但係唔係差到咁,話去就話,感覺唔係咁舒服。 表弟同我係同齡,佢只係遲我一個月出世。自細表弟雙眼已經有問題,醫生話佢到十三四歲可能會失明,所以有幾年o既暑假,佢都會過o黎我o地屋企住一排(因為佢係住九龍區,入o黎係體驗一下鄉村生活)。唔知係咪叫好彩,表弟最後只係有弱視,但係都係要靠人扶,行動變得不便,不過真係估唔到最後佢係會因為 cancer 離開。去到表弟個葬禮,因為表弟係一個基督徒,什麼過金銀橋,跳火盆都無, 只係好簡單,一大班弟兄姊妹送表弟最後一程。我可以做到o既只係安慰一下姨媽姨丈一家人。 當一個親人離開,個感覺真係好差,希望我身邊o既人都可以快樂咁健康咁生活。 當一個生命結束o既時候,就會有另一個新生命o既誕生。而呢個新生命就係我家姐所生o既細 B。不過呢個細 B 真係家姐搵命搏返o黎o架!話說十一月十六號家姐入住等生,但係都o左十八號下午六點幾都未夠開口度生,所以醫生提議不如開刀啦!就係咁,當我係老家食完飯返屋企打緊 Wii o既時候,接到老媽子o既電話,話家姐生o左,但係從電話入面把聲可以確認到一定有事發生,跟住就係知道家姐入o左深切治療房,當時真係又愕o左然,好緊張,好擔心,而老媽子就不停咁喊,而自已就要鎮定咁講,無事o既,放心啦!跟住就飛的過去醫院了解情況。 詳細情況其實都唔係好清楚,不過大概係咁樣!事緣家姐生細 B o既時候,醫生唔小心掂到以前開刀o既傷口,唔知發生乜o野事,拎o左細 B 出o黎之後,家姐一路都流血不止,需要轉到深切治療房,醫生話萬一真係止唔到血,為o左保住性命,就要犧性子宮,不過好彩,經過兩日o既深切照顧,終於可以轉返普通病房。而家細 B 同家姐都已經返o左屋企休養,所以細 B 將來你一定要孝順父母呀! 而家終於知道媽媽o既偉大,真係分分鐘為o左生你而無o左條命! 想睇 BB…

綠化家居

搬o左o黎新居都有四年, 近年由於老媽子關係, 屋企多o左o的植物.  都唔知點解老媽子咁興係o的乜乜節日就買盆花比過我o地.  印象中好似有比過蘭花, 紅掌花等等….  所以屋企久而久之就會有唔同o既植物出現.  而 Victo 本身都有種開一o的葉子類o既植物, 但係當然佢無咁好恆心去打理啦, 到頭來就交比我..  以我呢個乜都唔識o既人, 當然只係知道每日澆下水, 有時落下肥就算, 所以攪到o的植物過一排就拜拜. 今年年頭老媽子又整o左盆紅掌比我, 我心諗, 水種植物, 比足夠o既水比佢咪得囉, 好易打理o既o者.  就係咁過o左十個月, 今個月佢係上星期突然離奇死亡, 而另一盆o既葉子植物又係咁枯死o左, 搞到我o地諗埋一邊,…

結婚 2 週年

10 月 2 日係我同 Victo 結婚 2 週年o既日子!  回想 2 年前, 真係忙到嘔, 由早上直踩到零晨, 先至可以返屋企抖抖….  諗返而家都覺得隻腳痛!  今日o既天氣同 2 年前o既天氣都差唔多, 又係到 4 點幾 5 點就, 早上就天朗氣清, 又真係會咁橋o既!…

Victo 2007 生日

每年有幾個日子, 就會應覺特別辛苦.  辛苦在要諗去做o的乜, 去食o的乜好!  呢o的日子係乜, 大家都應該會諗到, 就係o的乜乜紀念日, 生日之類!  今年 Victo 生日, 佢要返工開會, 所以唔駛諗去邊度慶祝, 只要諗去食乜好.  今年就揀o左去元朗坳頭o既泰屋.   六點一放工, 我o地就坐車返元朗, 而我亦一早 book o左位. 入到元朗都已經七點左右, 坐低抖一陣, 就去點o左我o地至愛o既魔鬼魚, 當然係用至愛o既煮法,…