Skip to content

Hit & Run

嘩!居然見到有個陌生人同我講,原來係佢撞花咗我架車,佢 send message 嚟自首。係咁講唔好意思,話自己唔知道撞花咗我架車。其實我有擔心究意佢係咪真係嗰架撞花我架車嘅車主,你知一日發生好多單呢啲碰撞㗎嘛,一陣佢傻下傻下認錯咗咁就無謂啦。我再發咗張伯伯畀我嘅嗰張相佢睇,佢話架車真係佢。天呀!咁好嘅事我居然都遇到,佢居然會自首。其實佢大可以唔認,唔理。但係佢話見到我張相,又話榮業行,佢覺得自己應該要自首,應該要賠償先得,所以就 message 我囉。當然我都唔客氣啦,拿拿臨去搵車房報價,搵咗二三間,有啲就話唔整,有啲就報價 £400,有啲要留車兩日。 格過價,最平嗰間係 DialADent,盛惠 £295,仲可以即日修復。 畀晒咁多張單佢睇,話我都唔想佢破財咁多,就用最平嗰間 DialADent 啦。佢仲即時過數畀我,講多次唔好意思。

可能大家都會問,其實佢話自己無為意撞到嘢,咁佢又點憑我張相就覺得係自己撞到我架車呢?大家嘅諗法都好合理。 其實唔知道撞到我架車係無可能,因為伯伯同我講咗,車主係有落車睇過㗎。 咁點解我唔同佢講話無可能唔知道? 既然人家都已經自首,又肯賠償,做乜我仲要死挖人哋嘅痛處唔放呢? 講咗出嚟對件事又無幫助,講嚟做乜。

Pages: 1 2

Published in談天說地

Be First to Comment

Leave a Reply

This site uses Akismet to reduce spam. Learn how your comment data is processed.