Skip to content

日本九級地震

繼中國汶川地震後, 本世紀另一場大災難.  呢次比四川更加嚴峻, 因為地震海嘯而引發核洩漏.  呢次核輻射洩漏有可能比前蘇聯更嚴重.  有專家估計, 有可能整個東日本會受影響.  希望日本專家同有關人仕可以盡快阻止核洩漏.  同時係度向核電廠的50人英雄致敬.

今次天災, 可以睇到日本人o既教育真係做得好.  無論件事幾咁嚴重, 發生得幾咁突然, 日本人仲可以係發生後, 秩序井然, 絕對唔會自亂陣腳.   而社會企業, 絕對唔會由於天災發生, 而坐地起價, 反而會將自助販賣機免費提供比民眾享用.  而其他企業, 一樣繼續為市民服務, 大派毛毯, 食品比災民…   核輻射洩漏之後, 很多市民都無拋棄家園, 堅持留守.  以前係各大小報章睇到, 乜乜地方受天災影響, 然後就有很多店鋪發生搶掠事件.  但係今次日本, 居然無呢D新聞, 大家可以睇到日本人真係好團結一致.

反觀香港, 大陸…. 唉~~~  日本天災, 香港淪陷.  鹽, 可以抗輻射, 幾百幾千人上街搶購;  碘, 可以抗輻射, 又有人搶;  總之關於可以抗輻射o既o野, 都有人搶.  香港人成日自認為文明人, 什麼有識之士, 居然都會發生呢D奇景.  成日話大陸人都傻o既, 低能o既, 無知識o既, 香港人何常唔係….  見大家瘋癲咁搶購, 成幾斤幾十斤咁買, 真係好得人驚, 究竟D鹽要食幾耐先食得完?   今次呢個搶鹽事件, 已經淪為世界大笑柄, 簡直就係令人蒙羞, 丟臉.  

什麼企業, 大大小小的鋪頭, 驚聞全城搶鹽, 各家各戶紛紛加價.  什麼社會企業良心, 已經一早不再有.  只怪香港人生活係一個實在太現實的社會, 樣樣都是以錢為先, 而自細被灌輸o既就係讀好書, 咁就可以賺多D錢.  有錢先可以買到你想要o既o野, 有錢先可以令生活改善, 有錢先可以……   根本小學, 中學, 大學, 都無教過點做人, 點做一個負責任o既人, 點做一個對社會有用o既人, 個個都係公民意識差, 學校只係會叫你讀書, 測驗, 考試…….

扯得太遠了, 係度希望日本可以盡快脫離呢次大災難, 盡快令國民有返個溫暖家, 大家可以繼續開心快樂生活下去.  

給日本人送上祝福 (圖片轉載自Tuzki 官網)



如果大家係想盡點綿力幫助一下日本災民, 可以到以下網址捐款

香港紅十字會網上捐款
https://donation2.redcross.org.hk/onlinedonation/user_donation.asp

香港救世軍
https://secure20.salvationarmy.org/donation.jsp

香港世界宣明會
https://www.worldvision.org.hk/donation/i-donation.asp?type=otherdonation&ID=209&lang=c

圖片取材自 kenshin.hk

Published in談天說地

Be First to Comment

Leave a Reply