今個月頭去睇 D 網上雜誌, 發現有 Android 機械人可以抽. 雖然自己已經有第一輯, 但係近排又出第二輯, 而且第二輯o既價錢, 仲要貴過第一輯成倍有多. 雖然今次抽獎唔係抽全輯比你, 只係其中一隻, 但係單獨買一隻, 市面都要成$70. 我當然唔會放過呢個機會啦, 搏下囉!
只係抱住玩下o既心態, 跟住網頁o既步驟, 去 facebook, 去 hypepluse 度讚一讚, 就可以自動參加抽獎. 其實都無乜特別記住, 因為佢話中o左會有 Email 通知. 但係上個星期又走去睇下呢個網上雜誌, 突然就見到佢係網站公佈得獎名單, 而我個名……. 哈哈, 當然係有份啦… 走去同 Victo 講, 我咁都中, 行運喎… 點知佢劈頭一句話, 乜咁少人參加!! 無人參加你先中咋? 真係慶過火屎 ~~~
拿拿臨去睇下個遊戲方式, 原來佢唔係以抽獎o既方式去抽禮品, 而係以讚好 時間去抽出得獎者 (例如：第 30 名、60 名、90 名如此類推, 實際要視乎參加人數) 即係我真係咁好彩…. 咁都中!! Yeah~~~
P.S. 藍Android, 放心, 我一定會接埋你其他家人返o黎!!!
圖片取材自 www.pcpop.com