仲記得讀小學o既時候, 被老師選入校隊時, 第一件獲分發o既球衣就係 13 號, 比外國人稱之為不祥數字, 逄 13 號星期五, 就係叫黑色星期五, 有好多不祥o既事發生; 而電腦方面亦都有一隻病毒係叫做黑色星期五, 專門係13號星期五o既時候o黎發作! 唔知係咪真係咁o岩得咁橋, 我係中學校隊第一件獲分發o既球衣號碼就係 5 號…. 兩個數字加埋, 你話係咪好邪呢? 其實唔需要中學球衣號碼係 5 號, 我自己本身已經係姓伍啦…. 13, 5 真係不可分割!!
係中學時, 除o左第一二年係著 5 號球衣之外, 到我有權選擇, 我都係揀返 13 號o黎著. 到後來係球會打波, 我都係著 13 號, 唔知係咪因為情意結呢? 始終都覺得 13 號係最適合我!! 著上身o既時候, 好似超人變身咁, 特別有力量, 有衝勁….
早輪咪話跟珀麗灣o的波友打波, 去比賽o既, 而家十一月應該有比賽, 上個星期去打波o既時候, 佢o地話要做波衫, 叫我揀個號碼, 本來諗住揀 13 號, 點知, 原來 13 號一早比人 book o左, o個個仲要係教練, 無得同佢爭. 唯有諗第二個號碼…. 但係諗極都諗唔到要乜號碼, 我又唔想揀 5 號喎, 可以點呢? 大家有乜心水號碼? 又覺得我適合乜o野號碼呢? 比o的意見呀!!!!
o拿, 號碼係可以有好多選擇, 由 1- 99 都可以, 快o的講比我聽, 我適合乜o野號碼啦!!?