老婆去o左睇由 Warner Music 同 Smartone-Vodafone 聯合主辦o既 欣賞 GiGi 梁詠琪演唱會. 對上一次睇演唱會係睇陳奕迅o既拉闊音樂會, 呢兩次都係因為有朋友去唔到, 所以比o左張飛俾我o地.
因為本身對演唱會興趣唔大, 所以都好少會主動咁買飛入場. 記得人生中第一次睇演唱會係睇張學友, 又係免費飛, 係由於當時出 call 機, 咁o岩大抽獎抽中o左, 所以入場睇. 反而自己會買o既演唱會係李克勤同埋雪狼湖.
講返呢次演唱會, 由八點半正式開始, 到九點半散場, 個半鐘入面, 發覺自己對梁詠琪o既歌真係唔係咁熟, 枉我仲話係佢fans, 雖然未至到話會入fan club, 但係一有佢新碟, 都會拿拿聲去買, 但係居然o係其中一part, 林一峰估歌環節, o個五首歌, 我只係識得講出一首歌o既歌名, 其他歌, 只係可以話聽過, 但係真係唔記得歌名!!
加埋佢係呢個演唱會入面唱o既歌, 我最熟o既, 可以跟住唱o既, 居然係佢唱……..譚詠麟o既印象. 我係成首唱晒, 弊~~~ 暴露o左我年紀添!!! 其他歌, 係就係聽過, 但係真係跟唔到上口唱! 反而陳奕迅o個次就真係唱到… 咁究竟我係咪 gigi fans 呢?
今晚仲有一隊女子組合: 冰糖石路!! 你估下係有邊o的人??
