好久都未試過可以正正經經係屋企坐定定睇 VCD/DVD, 上個星期六日, 比較清閒, o的客又無乜電話o黎, 公司o野又唔多想做, 再加埋本身有少少唔舒服, 係咁咳. 所以都無周圍逛, 就係咁收埋o左自己係屋企.
唔知係咪習慣o左早起, 嘻嘻, 其實都係十點零左右起身. 瞓唔到, 咪起身做家頭細務, 打掃下間屋, 執拾下o的雜物, 經過一個早上o既努力, 係下午三點左右o既時候, 又未想瞓晏覺, 咁就開o左套戲o黎睇, 唔睇由自可, 一睇就弊傢伙, 係下午開始睇到夜晚, 將屋企差唔多未睇o既 VCD 睇晒咁滯!! 當睇完最後一套戲o既時候, 我突然間感覺到部 HI-FI 同我講, 佢好開心, 因為佢終於可以運動下, 唔駛懷疑自己究竟係咪 HI-FI, 點解幾個月都未郁過. 我望住套 HI-FI 時真係好滿足, 好開心, 跟住亦都好滿足咁去!
到o左星期日, 之前 download o左套狼羊物語, 諗住今日留返同老婆睇, 但係一開機睇o既時候, 居然變o左做甲賀忍法帖, 咁唯有自己一個人睇啦. 係套戲o既中途有一幕, 係講有個竹筒跌落地, 係o個一殺那, 我感覺得突然間個把聲好響, 好震撼, 咁自己仲心諗, 駛唔駛咁誇張呀個音效, 又唔係o的乜o野爆炸場面, 點知過o左一陣, 當真係有爆炸場面時, 我居然感覺唔到有乜震撼感, 而且愈睇愈唔對路.
走埋去個 subwoofer 睇下乜o野情形, 點知發覺個 woofer 死o左呀… 乜o野反應都無, 突然間就諗返, 唔係嘛, 之前o個下聲, 就係…….. 唉!! 唔通連續兩日谷得行得滯?? 谷爆o左?
而家仲未打電話去代理度問, 維修要幾多錢! 如果太貴就唔整啦!! 而家要儲錢買 woofer 先… 又要捱麵包啦!! 嗚~~~~