Skip to content

新年快樂

豬年已經o黎o左啦, 唔知大家今年有乜新年願望呢?  大家係呢個新年假, 又去o左邊度玩呢?  有無食蘿蔔糕?  有無食滯呀??  未結婚o既你, 拆o左利是未?  打算點用o利是的錢?  買o左乜o野比自己做新年禮物呢?

哈哈!! 我雖然無利是逗, 不過, 我都買o左樣o野比自己, 係呢個大年初一, 我走o左去買

wii

呀!!  好開心, o個晚仲走o左去 Jacky 屋企, 係佢部大電視度玩到成半夜三更先走!  真開心!  

一輪咀講o左咁多o野, 都唔記得同大家拜返個年添!

係度祝大家(包括我!!)~~

身體健康, 事事順利!!

贈多兩句過你o地!!

豬年好事多, 祝大家豬年樣樣稱心如意, 心想事成.

豬年事成多, 祝大家生意興隆, 豬年發財發到豬頭咁樣.

豬年成雙多, 祝大家豬年升職加薪, 雙糧, 三糧雙雙來.

豬年雙贏多, 祝大家豬年由豬頭 Win Win 到豬尾!!

圖片取材自 www.way-dt.com.tw

Published in談天說地

Be First to Comment

Leave a Reply