私人空間
不經不覺搬o左o黎呢個新 office 都接近一年了. 剛剛跟管理處續o左兩年約, 所以o黎緊o既兩年都要繼續留守係度! 希望可以係度將公司有咁大搞咁大啦!!
由於續o左兩年租, 即係代表有排係度踎, 所以我o地決定幫 office 裝修一下, 加返個水牌, 加返個公司 logo 係大門口. 今日就係裝 logo o既日子, 估唔到裝好之後, 成間 office 唔同晒, 靚~~~ 好 pro. 咁先似係一間公司o架嘛!!
公司整好個 logo 之後, 當我返埋位o既時候, 發覺自已個位原來都好亂. 唔知係咪受裝修o既影響, 突然間有股衝動, 加埋上個星期六公司剛剛大掃除完, 應該都係時候去執拾一下, 經過一小時o既努力. 嘩!! 都叫做執得好整齊, 除o左返工第一個星期之外, 其餘日子都未見過咁整齊啦!
其實一個好o既工作環境, 係咪真係可以比到你動力去做o野呢? 亦會增加你對公司o既歸屬感呢? 答案對我o黎講, 係一定有幫助! 而家我咁執一執, 成個感覺都唔同o左, 空間感大o左, 令到我都好似輕鬆o左, 工作都好似少o左咁, 搵o野又快o左, 實在太多太多, 講唔晒! 唔知係咪屋企剛剛換o左擺設, 搞到我都想替自己o既工作環境搞搞新意思! 等我得閒行街, 留意下有乜特別o既小擺設先!
唔知係咪執完o野, 見到乾乾淨淨, 心情都好o的. 心情好, 個肚就肚餓, 都係時候去醫下個肚! 跟住再返o黎開會!!
Hey~~ 大家仲唔去執拾下自己個座位!?
圖片取材自 iscan360.com