Skip to content

壓力…

壓力, 兩個字, 睇到都覺得有好重, 真係好似有千斤聚住咁, 令人透不過氣來….  

大家有無遇到過壓力呢?  我諗唔多唔少一定有遇過.  好似讀書時要考試測驗, 之前之後都一定有壓力.  就算係叫你去玩, 你都會有壓力o既出現.  工作上就一定有壓力啦, 做得唔好, 驚比老細鬧, 做得好, 又驚比同事之間話你係度搏乜o野.  壓力呢家o野, 真係無時無刻都會出現.

要點樣先可以完全解除壓力?  哈, 真係好難, 因為當一個壓力解決o左之後, 緊接又會出現另一個壓力, 真係吹佢唔漲.  壓力會成世咁跟住你.  壓力有好多種, 每個人對壓力o既定義都唔同, 你所謂o既壓力, 唔代表係我o既壓力.  壓力係無形定係有形? 

大家唔好睇輕呢個叫壓力o既東西!!!  佢o既出現, 有o的人選擇會唔理佢, 有o的會想辦法解決, 有o的人會去做下運動減下壓, 有o的人會搵朋友訴下苦, 呻下.  但係當壓力愈來愈大o既時候, 或者係長時間係你身邊纏繞你o既時候, 如果你處理得唔好, 佢會令到人變得有點神經質, 有o的甚至有尋求一死o既衝動.

大家唔好誤會我係咪有好大好大好大o既壓力, 無啦啦係度講埋o的咁o既o野.  講真, 壓力, 一定有, 不過如果你係我朋友, 都會知我呢份人真係無樣好, 最好o既o野就係樂觀.   有時我會將o的壓力化成動力, 令我更加有衝勁去工作;  有時又會去打下籃球, 將o的壓力釋放出o黎, 唔會令自己咁辛苦.   其實搵朋友傾下計, 都不失為一個好方法.  又或者好似我咁, 寫下 blog 都可以o架!!  但係大家千祈唔好用酒, 用藥物去令自己減壓, 咁係幫唔到大家o架, 事後仲會對身體有傷害添.

壓力………  

大家又會點樣去處理你o地o既壓力呢?  點睇壓力呢?

圖片取材自 www.ihealth.com.tw

Published in談天說地

Be First to Comment

Leave a Reply