Skip to content

母親節快樂

母親大人生日快樂

今日係母親節, 係度祝天下o既母親都快快樂樂~~~~  

年年o既母親節, 都同亞媽o既生日都好近, 今年都唔例外, 所以係度都祝亞媽: 生日快樂!!  永願都咁 ~~ 正 ~~  o的仔就個個搵大 (嘻嘻~~), o的女就個個都咁幸福, 咁多人錫!!

 諗返以前細細個o既日子, 真係每一日都激到亞媽死死下咁.  小學一二年級時,  成日考尾一尾二, 都不知比亞媽 “flick” o左幾多o野, 搞 到亞媽o徙錢去搵補習老師教我.  好彩, 都叫有交代, 三四五六年級都考前十名左右, 無白費佢o既錢.   

 又記得以前真係好百厭, 成日搞破壞.  有日星期六, 我無乜o野做, 亞哥爬o左去人o地屋企玩, 我就貪玩, 大叫: 有賊呀~~  搞到左鄰右里,  個個拎起晒o的武器過o黎問我, 個賊係邊….  卒之最後, 比亞媽罰跪神主成晚.  

 哈哈,  最印象深刻有一次, 大家都知我以前係賣生果, 所以屋企都有放o左好多生果貨, 有一晚食飯o既時候, 我不停咁用筷子敲打o的碗, 家姐都叫我唔好再敲, 當然我無理啦, 我仲加大力度添.  點知, 突然間, 見到前方有個手榴彈衝住我o黎, 好彩, o個時話晒都叫運動員, (註: 小學已經係籃球隊, 田徑隊o既人) 所以都及時避得切, 但係勢估唔到, 係避o既同時, 另一把劍已經係我左梗, 手起刀落, “啪” 一聲, 好痛呀~~~  雙手比人劈o左幾o野!  打丫~~ 打丫~~ 等我打死你!!  大家知唔知道個手榴彈係乜呢?  把劍又係乜呢?  估下?

 諗返都覺得好好笑, 都好感激亞媽咁多年o黎o既 “照顧”, 係度講返句, 辛苦晒你啦~~  亞媽!

圖片取材自 www.brain.com.tw

Published inHome Sweet Home

Be First to Comment

Leave a Reply