Skip to content

亞喆 、Jacky 結婚啦!!!

今日終於到o左 Jacky 同 亞喆 註冊o既日子啦!  好開心, 係度講返句 – 恭喜晒!!

佢係我o地朋友堆中第四個結婚o既人, 首先有亞Lo, 跟住係我, 再o黎係亞Ken, 而家就係 Jacky 啦!  真係…..浪子泊岸啦!!  真係戥佢高興, 開心!  雖然佢已經三張, 但係今日佢仍然係好型仔, 係稍為肥o左少少!! 希望佢o黎緊o既擺酒日, 可以 slim o的啦!!  到時真係型爆全場!!

 而新娘子文太當然係靚到……. 爆晒燈啦!  點解咁講?  咪係因為今日同佢o地一齊出街影外景o既時候, 我沿途都只係聽到o的途人係咁話 : 嘩!!  個新娘好靚呀, 真係掂喎…..  大大話話都聽到超過十次以上啦, 咁你話, 係咪好掂呢!!!  嘻嘻!!

今日仲有一個好笑o野, 就係下午見到有健康工房o既 Promotor 係尖咀派免費樽裝飲料, 其實當時都好口渴, 想去排隊之際, 居然見到我o地o既攝影師搬o左一整箱o既飲料過o黎, 佢話係 Promotor 送o架…. 成箱喎???  咁都得???  我o地仲係街度好似賣廣告咁, 每個人拎住枝o野猛咁影相!!  好攪鬼呀!!  

(突然正經) 喂, 文生, 對老婆好o的啦, 記得唔好呼呼喝喝呀~~  老婆娶返o黎係錫o架!!  知道嘛!!

圖片取材自 www.wishesmsg.com

Published in朋友

Be First to Comment

Leave a Reply