之前講o左九月三號去o左海洋公園!! 其實o個晚我仲要去珠海, 出席公司會議~ 所以我係晚上六點就同左鄰右里講拜拜, 孤身出發到珠海! 去到珠海都已經係八點左右, 拿拿臨 join 返班同事. 醫o左肚先! 跟住就係返去會議室, 繼續開大會!!
其實呢個大會主要係講公司o既方向, 服務範圍, 性質! 足足係o個晚, 攪到成十二點先散, 跟手去飲杯o野, 返到酒店時都成點幾. 好鬼死眼瞓….. 上去酒店時都死死下, 但係當我一入到酒店房, 真係 “頂”. 無得頂呀!!! 我同另一個同事都……….哈哈大笑!!
大家係咪好想知道係乜呢? 當我一踏入去, 面對我o既係一間全透明o既浴室, 即係好多示範單位都將套房間浴室換做全透明, 只係中間有一道闊闊o地o既磨沙, 用o黎遮住o的重要部位. 再深入o的研究, 發覺浴室門同洗手間門係共用, 即係你關o左浴室門, 咁你個洗手間馬桶位就變相無門用. 跟住我返去張床度放低o野, 我見到原來浴室都有趟簾, 可以用o黎遮住浴室, 咁都無得驚!! 殊不知, 當我再望清楚o既時候, 發覺原來呢張趟簾係由外面控制, 即係你沖涼o既時候, 外面o既人可以隨時隨地將”佢”趟起, 一睇內裡o既全貎…. 而呢間房仲有另一個設計, 真係佩服設計師o既諗頭, 就係當我訓係張床o既時候, 只要我望去浴室o個邊, 儘管趟簾係放o左落o黎, 但係我可以值住一幅全身o既牆鏡, 去睇下沖涼者o既美態!!
其實呢間房, 如果係一男一女o黎, 都唔錯o架, 不過, 好似我而家咁, 兩條麻甩仔, 真係想嘔. 加埋o的有o的同事又大唔透, 特登係人o地沖涼o既時候, 走o黎襟門鐘, 話要睇下你點沖涼, 你知啦, 浴室對到正個大門口o架嘛, 我唔怕比同事睇, 大家都係男, 佢有o既o野, 我有, 最怕比o的街外人見到嘛… 蝕低比人就唔好啦!!
講o左咁耐, 大家唔好誤會我o地貪平, 租o的唔知係乜o既酒店, 其實呢間酒店都係新落成年幾, 而且呢間仲要係行政人員房o黎o架, 有得上網, 有 fax, 仲要成六七百蚊一晚o架, 但係勢估唔到, 居然係咁!! 不過, 我估呢間酒店都係專門比人上o黎 — 嘻嘻, 你o地自己諗下啦!! 如果唔係點會有o的咁o既設施呢!!!
