Skip to content

延遲又延遲的海洋公園之旅

久違了的海洋公園

其實去海洋公園呢個計劃, 好似係五月已經開始籌備, 但係朋友之間o既日子真係好難可以夾得o岩, 本來都夾o岩o左係五, 六月, 但係點知天公不做美, 要延期, 終於最後係九月三號呢個日子, 一個唔係風和日麗的早上, 我o地一大班朗庭園o既鄰居朋友, 起程去海洋公園.  yeah!!!

去到海洋公園, 我o地一行十四人, 當然係門口留個大合照先啦.  然後就梗係去玩機動遊戲啦, 睇下展覽館之類….


計計埋埋我都玩o左成四樣o野, 有越礦飛車, 跳樓機, 過山車, 摩天輪, 登山鑬車; 而展覽館就去o左熊貓館(佢o地o黎o左咁耐, 而家先同佢o地見面, 真係唔好意思!), 鯊魚館, 水母館, 海獅海豹館, 當然有去海洋劇場睇表演啦.  咦???  點解咁少o既, 原來成日都只不過玩o左咁少o野咋?  蝕”卓”~~~

其實呢次係我第二次去海洋公園咋, 第一次都唔記得係幾多個 n 年前囉, 好似仲係讀緊小學, 所以係我記憶中, 海洋公園係點, 我真係唔知!  好多都係睇電視睇返o黎, 而家終於可以留心睇清楚.  

今次去玩完, 發覺海洋公園可以好o岩大人細路去, 刺激o既可以玩玩機動遊戲, 教育意味重o的o既, 可以去展覽館, 教下細路仔點樣保謢/愛惜地球.  都係個好好o既節目.  加埋食o野都唔係貴, 唔會好似o的人去完迪士尼咁 – 媽媽聲.   不過有一樣o野真係可以改善一下, 就係應該係每條路都有一o的灑水系統, 可以噴下o的霧水出o黎比遊客, 等我o地清涼o的….  

唔知下次又會幾時再去呢? 一年, 兩年定係三五七年之後?

大家有興趣睇下o個日o既情況, 去回憶集睇下啦!!!

圖片取材自 www.akshartours.com

Published in行街街

Be First to Comment

Leave a Reply