Skip to content

Tag: 世界盃

四年一度世界盃

四年一度嘅世界盃又嚟啦….  今年主辦國係南非.  大家知唔知係南非主辦世界盃有乜特別?  唔知?  唔緊要, 講比你知, 就係大多數球場都座落係高原地帶, 有六座咁多o架, 而最高嘅球場係位於約翰內斯堡, 有成一千七百米高.  咁高原作賽有乜問題?  問題就係高原地區空氣比較稀薄, 球員會比較容易累, 抽筋, 嚴重者仲會感覺呼吸困難, 所以好多國家球隊都特別提早去高原地方作特別訓練.  而對球員另一個問題係….  高原地帶空氣較平地稀薄, 足球飛行的速度也會增加, 球員會好難捉摸球路. 以往幾屆世界盃, 大多數都係零晨賽事, 大家都要捱更抵夜, 然後第二朝成隻熊貓眼咁返工; 日韓世盃就好啲, 但係有好多賽事都係下午, 搞到個個 “蛇王” 去睇波.  今屆就真係 perfect time, 頭場七點半, 第二場十點, 第三場就零晨兩點半.  睇完尾場都仲有時間抖一抖先返工.  …