Skip to content

Tag: 疫苗

BioNTech

終於都係要打。等咗咁耐,都係要趕喺佢就嚟無得打前走去打針,無得再拖。 究竟有乜驅使你去打針呀? 我如果話畀你聽係【愛】,你信唔信? 咪玩啦,我自己都唔信。 咁做乜無啦啦走去打? 唉! 咪就係要返大陸囉。 就嚟成年幾兩年都無返過大陸公司,真係唔敢想像間辦公室會變成點。 另外就係考慮有可能要返去大陸做轉名手續。如果無打針,真係到時開關話要打咗針先可以去,如果無打就要繼續隔離 21 日,咁樣就真係煩。 咁點解又唔打科興? 我信科學。 暫時數據係講 BioNTech 對抗COVID-19 比較有效,再加上變種病毒都有抵抗能力,反而科興就…… 另一原因係由於多數西方國家都認證 BioNTech,將來要出國旅遊嘅時候,嗰本旅遊疫苗護照都係西方國家認證,咁當然打國際公認嘅疫苗啦! 好啦!講咗咁耐,上網 book 日期先。嘩!之前幾個月明明睇過元朗平時都有好多位,點解而家會變晒 full booking? 算啦,第一針改去屯門打,第二針先返元朗打。…