Skip to content

Tag: 頭髮

剪髮 ( Haircut in UK )

大佬,剪頭髮有乜好講!咪就咁行入去同人講剪髮囉,有乜特別。 無錯,原來其實就係咁簡單。之前睇 FB,啲人話好驚去剪頭髮,因為外國人根本唔明你哋想點剪,佢哋都係用返自己外國呢套嘅剪髮方式,即係有啲類似 QB 嘅髮型一號、二號,剪完頭髮出嚟嘅人真係一式一樣。 其實自己一早都想去剪,但見到咁多 FB 負評,本身都有啲郩底。加埋平時出街又唔係話太唔方便,所以一直拖拖拖。對上一次剪髮已經係一月中嘅事,即係已經兩個多月無剪,平時都係一個月就去剪,保持清爽造型,而家咁鬼長真係幾煩。。突然的起心肝去剪髮,都係因為我心愛嘅籃球緣故。事緣 2 星期前打波時已經成日要撥頭髮,打打下又塌晒落嚟,好唔舒服。上星期再打時已經噴多咗定型噴霧,亦用多咗髮泥做固定,但係都係唔太得,搞到好樣衰。就係因為為咗打籃球可以專心啲,我第二日就去咗屋企附近間理髮店 Barbershop。 講樣我留意到嘅事畀大家知。呢度真係好多 Barbershop 㗎,真係總有一間喺左近。我住嘅呢度條街已經有 3、4 間,真係有咁多人日日都要剪髮嘅咩?我都睇過,平均價錢 £14 。我見過最平係 £13,最貴 £18,但大部份都係 £14。我呢間就貴少少,£15。點解我咁多間唔去,去呢間?除咗因為近之外,佢嘅裝潢,髮型師嘅樣貌,又著晒制服,室內又有專 for 兒童嘅髮型椅,加加埋埋一個整體形象都好舒服,所以就揀咗呢間! 第二朝瞓醒真係乜都無理就衝咗去剪。入到去間舖有成三個剪緊,又有一個等緊,當然乖乖坐低排隊等剪啦!十分鐘後好快就到我。理髮師問我想點剪,我就用啲簡單英文同佢講,再加上身體語言,指住側邊兩邊,make it…