話說星期六晚老豆突然氣喘透唔到氣,屋企人送佢去睇急症。而我十一點零過去,搞到成零晨四點幾先返屋企瞓覺。係入房前見到部電腦有張紙寫住晚安。原來係蘇菲寫咗張紙仔同我講晚安,真係 sweet 到爆。 圖片取材自 https://www.facebook.com/窩心時光-Warm-Heart-100754762048475/

亞囡識得感謝我,真感動。希望佢會明白要努力過後才會有收穫呢個道理。不過我又想佢明白,努力過後未必一定有收穫嘅道理,凡事唔好因為想有報酬先做喎。好似好矛盾,點解釋畀佢知呢? 圖片取材自 www.chuenyuen2.edu.hk (學生 寗嘉茜作品)

暖在心

哈,今早瞓醒,執一執背囊,執返啲嘢出嚟放低係酒店房,點知比我執到蘇菲寫嘅咭,之前嗰晚佢已經比過我睇,話我去咁多日,所以畫咗張咭比我,估唔到佢居然放埋入我背囊。。。真係甜!

坐車去迪士尼途中,蘇菲係架車度瞓著咗。但係一入到樂園就即刻醒神晒。但係落車之際。。。。蘇菲:呢隻腳有閃閃(即刻脫鞋)我:隻腳底有嘢?摔腳底,掃腳,著返鞋。蘇菲:隻腳仲有呀,仲有閃電呀!(又再脫鞋)我:邊有呀,掃咗腳底來回幾次,再用眼逐吋咁睇確認無嘢,然後話無啦蘇菲:有呀,閃電閃電呀!我:你係想話腳痺呀嘛?落地行一陣就無事㗎啦! 呢啲唔係閃電,係腳痺,知道嘛