早係四五月時, 已經得知香港朋友會嫁去台灣, 但係都無諗過佢會邀請我出席佢o既婚禮, 一切都係意料之外. 當得知要去台灣時, 其實都無乜特別感覺, 因為剛剛先去完韓國, 無諗過一年內又會再出外玩玩. 初時都無乜放係心, 直至老婆問我幾時BOOK 機位, 酒店, 我拖拉到七月先去搞, 經過詳細分析, 終於係Princeline度訂咗機位, 又book埋酒店. 直到九月頭, 突然見到CX有promotion, 可以台南入, 台北走, 機票仲平過我之前訂… 呢個世界原來係無Early Bird o架!!
由於整個九月份都忙到爆, 根本無時間去plan呢次旅程, 所以直到出發前就決定hea住邊走邊行邊睇邊食……
27-Sept
早上出發, 到達桃園已經係十一點半, 跟手坐車去高鐵站, 再向台南進發. 原來高鐵真係好鬼快, 坐火車, 起碼四個鐘, 高鐵只需個半鐘左右就到… 因為早咗到台南, 諗住買電話卡, 點知行o左好耐都搵唔到, 好彩最後有好心人教路, 終於比我o地搵到啦!! 下次記得係機場搞掂先好出市區, 搞掂之後就即刻 call 台南朋友嚟接我o地. 當晚台南朋友帶咗我o地去鵪鶉晚餐食, 真係好好味. 而同桌仲有佢o既台灣朋友, 大家有傾有講, 笑足全晚, 佢哋都真係好nice 好nice.
28-Sept
台南朋友特登請咗一日假, 帶我哋四圍去, 食食食, 無錯, 真係食食食….. 鵪鶉鹹派, 街邊米糕, 玉米, 深藍千層蛋糕, 仲有去o左一間日式老房子high tea!!! 感覺時間真係過得好快….. 好快…. 又係時候講拜拜, 話咁快又要離開台南, 向台北進發!! 到達台北, 當然要去逛一逛夜市啦, 最近酒店首選係士林夜市, 但係原來士林夜市已經搬了, 變得很不一樣, 很現代化, 沒有了夜市的風味, 反而對出的横街小巷, 感覺更似夜市..
Be First to Comment