今次就同咗屋企人去咗台北同宜蘭, 其實大部分都係圍繞住小朋友而選擇景點, 酒店, 民宿…. 只有一兩個景點係大人適合.
我上網搵了很多資料. 原來都仲有好多人係會寫遊記blog, 真係幫到我好多手… 尤其係有埋行程表的, 真係無得頂..
今次去台灣, 由於要去宜蘭, 見好多blog都係話包車, 費用都唔太貴, 不過可惜, 我本身喜歡自駕遊, 所以今次去宜蘭, 都係自駕遊. 自駕遊一來平D, 二來自由度大. 包車的話, 通常都係規定時間, 過了時間就會按錶收費. 自駕遊係會彈性好多. 適合我呢類自由人….
好啦, 癈話少說, 講返個行程先..
< Day 1 >
到台北機場已經係中午十二點, 搭過機場捷運到台北, 先再轉乘捷運到酒店放低行李先. 台北機場捷運到台北, 大約車程要35mins, 車費係大小同價, NT$160.
今次訂嘅台北酒店係叫你好咖啡店. 地點係大安捷運站附近, 喺6號出口一出, 三十秒就行到去了, 好方便. 選中這間是比較近租車公司, 加上這間所謂酒店, 其實係一間咖啡店, 只是它在咖啡店裡還開闢多12間房出來招待旅客.
Check in 放低行李之後, 唔想再出去四周搵嘢食, 既然呢間係咖啡店, 當然要試下呢間咖啡店的食物啦… order了一個餐叫台灣人, 一個餐叫夏威夷帕尼尼… 食物水準喜出望外, 好食…. 真係估唔到.
食飽之後當然出發前往今日的主要目的地, 就係BabyBoss職業體驗任意城. 和香港的童夢城一樣, 就係給小朋友體驗工作. 當然, 台灣這個比較專業, 每個職業都有講解, 可惜亞囡唔太識聽國語, 佢有時玩起嚟唔夠投入. 一玩就玩了半天, 直到晚上八點我們才離開.
八點, 當然去食晚飯啦. 由於去咁多次台灣, 都係去台南, 台中, 台北真係好少去. 今次既然來了, 當然就要去近年香港人都好喜歡去的上引水產. 但可惜, 我們沒有立食, 因為小朋友唔啱食, 所以在裡面轉了一圈之後, 我們就在裡面的一樓, 搵了一家打邊爐的餐廳吃晚飯.
食飽飽就返酒店休息, 咁就完成第一日的行程了.
09:50 出發往台灣
12:00 搭乘機場捷運往台北市
14:00 到達酒店 Check in + 食 lunch
15:30 到達BabyBoss職業體驗任意城
20:30 到達上引水產
22:00 回酒店休息
.jpg)
.jpg)
