< Day 7 >
Last day, 最後一日, 要返香港了. 今日無安排什麼特別活動, 只係瞓醒, Check out, 食午餐, 然後就係去朝聖….. 邊度? 台北最出名梗係101大樓啦, 不過對家長們來說, 當然係信義區的誠品書店. 自從有小朋友之後, 去台北, 一定要來這裡入貨. 而且誠品真的很大, 很多東西看, 消磨一整天真的很容易.
行得攰, 又可以係地庫美食廣場搵食, 又或者去書店裡的餐廳 high-tea. 由於買書實在太高興, 忘記了時間, 之後諗住搭的士返酒店比較快, 殊不知由於下班時間變得好塞車….. 比預定時間遲了上捷運到機場. 唯有快步從台北捷運站跑去桃園鐵路線. 因為都有一段距離, 家家頂唔住, 喊起上來… 唯有軟功氹佢繼續努力快步走…
好彩, 都趕得切報到, 差少少櫃台都收工. 下次真係唔好再咁趕, 真係要預多少少時間先得.
成個 trip, 真係好充實, 小朋友有自己的活動節目, 大人都有自己活動, 各方面都取得平衡, 都幾滿意今次自己的安排. 原來台北都仲有好多地方未去過, 希望將來還有時間過來放鬆一下. 今次天氣亦很好, 真的很感謝天公造美, 讓整個旅程都可以按預定計劃來進行. 台灣, 真係一個令人百去不厭的地方.
封面圖片取材自 www.marieclaire.com.tw