台北宜蘭復活之旅 (2017-April-13)

< Day 6 >

因為今日要返台北, 所以又要早起身, 一早食了早餐, 就出發往橘之鄉. 好多人去宜蘭都總會去呢度, 原因係呢度有得俾小朋友DIY柑桔蜜. 整個DIY過程真係幾好玩, 不過都幾辛苦, 原因係最後一個步驟係要將糖完全溶化變成液體, 就要將樽柑桔不停搖, 不停搖, 搖到成手都痺晒.

玩完就去橘之鄉隔離的亞典菓子工場, 呢間其實只係一間專賣蛋糕的專門店. 裡面有好多款蛋糕, 又忍唔住手買了幾盒回港. 而原本諗住參觀完之後就開車去圍堡車站, 點知突然比我發現, 原來山寨村就係呢度, 何況時間容許, 我就去埋山寨村. 山寨村其實好多人過來呢度食午飯或晚飯的, 但由於剛剛才食過早餐, 所以我們只係入去隨便參觀一下, 影下相. 原來呢度除了係一間餐廳, 亦係一間超級迷你商店, 仲有新鮮出爐麵包賣添. 由於新鮮嘛, 所以我們又買了三星葱麵包在路上吃.

參觀完山寨村, 我們就向今日重頭戲目的地出發…. 四圍堡車站, 羊咩咩主題餐廳, 我們出發啦. 到達目的地後, 睇見實境和blogger介紹有出入, 即時想說, 不是吧….就這樣而已?? 只是餐廳外牆畫了羊咩咩圖像之外, 好像就沒有什麼跟羊咩咩有關係喔. 好, 入去餐廳食午飯先. 一踏入餐廳, 需要經過一小段羊咩咩街道, 有很多羊咩咩擺設, 不同造型. 心想: 這就差不多…. 這裡的食物質素其實不差, 價格也可以.

食飽飽之後, 出發回台北… 今日雨小姐終於出現啦, 仲好多眼淚添….. 經過大約一兩個小時, 終於回到台北! 先去酒店放低行李, 然後就再去格上還車. 晚上就同朋友係酒店樓下間 “食吧” 食晚飯…

估唔到, 酒店呢間 “吃吧” 餐廳, 食物水準一流, 價格也不高…. 下次去的話, 記得過來食.. 包你話正.

09:00 食早餐 & Check out
11:45 到達橘之鄉
12:45 亞典蛋糕店
13:15 參觀山寨村
14:30 到達四圍堡火車站
17:30 Check in 意舍酒店
18:20 格上還車
19:30 和朋友晚飯歡聚