Skip to content

10 月 2 日 – 結婚一周年

2005年10月2日就係我倆結婚o既日子, 估唔到話咁快, 我就結o左婚一年啦!!  

今年o既慶祝活動係……….返屋企同家人做節!  今年咁o岩, 撞正屋企做節, 所以無得同老婆二人去慶祝, 食飯撐檯腳!   無計啦, 唯有搵日再同老婆慶祝補數!!

剛剛上網查o左o的o野, 原來結婚紀念日有一個稱呼o架!!  唔知?  等我話你知啦

結婚一周年 : 紙婚   /   結婚二周年 : 布婚     /   結婚三周年 : 皮婚
結婚四周年 : 絲婚   /   結婚五周年 : 木婚     /   結婚六周年 : 鐵婚
結婚七周年 : 銅婚   /   結婚八周年 : 電器婚   /   結婚九周年 : 陶器婚
結婚十周年 : 錫婚   /   結婚十一周年 : 鋼婚   /   結婚十二周年 : 麻婚
結婚十三周年 : 花邊婚   /   結婚十四周年 : 象牙婚   /   結婚十五周年 : 水晶婚
結婚二十周年 : 瓷婚   /   結二十五周年 : 銀婚   /   結婚三十周年 : 珍珠婚
結婚三十五周年 : 珊瑚婚 (碧玉婚)   /   結婚四十周年 : 紅寶石婚   /   結婚四十五周年 : 藍寶石婚
結婚五十周年 : 金婚   /   結婚五十五周年 : 翠玉婚   /   結婚六十周年 : 鑽石婚
結婚六十五周年 : 鑽石婚   /   結婚七十周年 : 鑽石婚   結婚七十五周年 : 鑽石婚

嘩, 可以去到結婚七十五周年….  唔知我有無咁長命呢? 

講返轉頭, 係呢一年入面, 工作佔o左我o地兩個人o既大部份時間, 我o地平時可以坐低傾計o既機會唔多, 通常都要到晚上十一點左右先見到面, 可以坐低傾下計, 希望o黎緊o既一年, 可以有多o的時間啦!!  其實兩個人一齊生活, 真係唔係咁易, 大家生活習慣又唔同, 突然間要住埋一齊, 當然係要時間去適應.  好彩, o係生活細節上無乜衝突, 大家亦會遷就對方, 暫時又未發現有婆媳問題,  一切都順利過渡.  不過而家開始要面對另一個問題啦~~~  就係 BB 問題.  

都唔明, 結o左婚一年之後, 身邊o既朋友, 親戚, 屋企人, 開始都陸陸續續咁問 : 結o左婚就o黎一年啦喎, 幾時生 BB 呀?  有無計劃呀?  想生男仔定女仔呢?  會似你多o的定係老婆多o的呢? (最好似老婆, 唔好似我)  唉!!!!  好煩…..  講真, 真係未有打算, 你o地知嘛, 見我亞哥同家姐, 養一個細路要花費幾多呀?  要擺幾多心機, 我自問暫時都未有呢個能力, 所以暫時都唔會生住啦!!  又係希望啦, 可以o係o黎緊一年改善到生活水平, 咁都有可能計劃o下生BB o既!!

生日就可以許願, 唔知結婚紀念日得唔得o既呢?  如果得, 我想許個願就係……….秘密!!

圖片取材自 www.kknews.cc

Published in關於我的....

Be First to Comment

Leave a Reply