日期 : 4/Jan/2007
地點 : 楊屋道街市室內運動場
賽果 : 57:2? (PISA vs ???)
終於開鑼啦!! 今年可以隨PISA隊參加荃灣區籃球聯賽. 第一場比賽係2007年1月4日開打, 第一場o既對手係??? 唔記得o左個名, 同時亦唔記得個比賽分數, 唔好意思, 希望有心人可以提供資料.. 而比賽o既結果係我o地 PISA 隊大獲全勝. 都好耐無試過贏對手三十幾分以上囉..
估唔到我真係咁愛打籃球! 點解咁講, 事緣當晚比賽之前一日, 我已經感覺身體有o的唔舒服, 有頭痛, 有頭暈o既情況, 點知比賽當日早上, 開始有肚瀉現象, 搞到連工都返唔到, 自己重諗緊今晚打唔到比賽添, 因為真係瀉到七彩, 但係又諗, 無理由唔去打, 話晒第一場, 一定要到場, 就係出發前走o左去食保濟丸. 咦…. 又頂得到喎, 真係無繼續瀉, 咁就出發去 join Victo 和 Solomon, 一齊食過o野之後就到球場比賽.
去到球場, 做一輪熱身, 之後就正式開始比賽. 我諗由於對手係新手, 加埋佢o地無乜默契同埋組織, 我o地一開波, 就已經將比數拉開到雙位數, 而且今場比賽我o地每一個人o既手風都好順, 係談笑用兵之下, 我o地就係咁一路領先, 直到完場. 打完成場波之後, 成個人感覺 — 散晒!
期望第二場比賽, 大家都可以打得咁好… 一路過關斬將.
後記: 比賽完之後, 返到屋企, 唔知係咪藥力消散, 我又繼續瀉, 瀉到無覺好瞓, 終於係第二日就走o左去睇醫生, 話我係腸胃炎, 要戒口, 多喝開水, 最重要係休息!!! 下次比賽前唔好再o黎呢o的咁o既o野, 真係會虛脫!!
另外報告一下自己o既表現先: 籃板應該有 2 – 3 個左右, 分數應該有 11 – 13 分左右, turnover 都有 1 – 2 個!