Skip to content

荃灣區籃球聯賽 – 第十場

日期 : 8/Oct/2007 晚上 09:00
地點 : 北葵涌鄧肇堅室內體育館
賽果 : 40 : 41 (?? vs PISA)

抖o左成兩個月, 終於再次比賽, 今次又去o左另一個比賽賽地, 就係北葵涌鄧肇堅室內體育館.  呢個體育館位於梨木樹, 咁大個仔, 都係第一次去梨木樹, 所以之前都要上網搵下點去.  當然最後我都係打的過去.  嗯, 呢個場我當然係第一次去啦, 令我驚奇o既係, 居然係體育館內有網球場, 真係無見識過, 有點兒大鄉里.

講返比賽, 今場只有六個人報到, 大家都應該諗到, 其中一人千祈唔好係比賽中發生乜o野意外, 拗柴呀, 抽筋呀, 如果唔係真係會打到殘.  比賽一開始, 大家都好似找唔到節奏, 頻頻出現失誤, 我o地只係夠臨完場前一刻先破蛋.  第一節比分係 8:2 .  第二節, 手感好返少少, 但係仍然失誤偏多, 完場前比對手拉開到 24:8. 

經過中場休息, 商討, 調整之後, 第三節我o地開始加強防守, 而教練同埋三分射手率先發難, 佢o地接連射入多球三分, 係第三節追成 32:23.  第四節開始, 我o地為o左追返差距, 係進攻方面o既強度我o地再次加強,  令到自己o既進攻機會增加.  係完場前o既十五秒, 我o地落後緊 1 分, 經過暫停, 商量對策後, 決定交由外圍射手, 但當然戰術係睇當時情況而定, 最後個波落o左係我手, 而時間只剩返 10秒, 當時其實可以接波後直接射波, 但係我見到前面有空位, 所以決定剷入, 可惜今日真係手感其差, 個波係第二邊出返o黎, 好彩 kenneth 搶到籃板球, 跟住仲比人侵犯, 所以可以獲得兩個罰球.  而佢賽後話自己當時腎上線素極高, 因為佢好緊張, 好緊張, 當然佢入晒兩球, 而令到球隊險勝對手 . 

Published in運動

Be First to Comment

Leave a Reply