搬o左o黎新居都有四年, 近年由於老媽子關係, 屋企多o左o的植物. 都唔知點解老媽子咁興係o的乜乜節日就買盆花比過我o地. 印象中好似有比過蘭花, 紅掌花等等…. 所以屋企久而久之就會有唔同o既植物出現. 而 Victo 本身都有種開一o的葉子類o既植物, 但係當然佢無咁好恆心去打理啦, 到頭來就交比我.. 以我呢個乜都唔識o既人, 當然只係知道每日澆下水, 有時落下肥就算, 所以攪到o的植物過一排就拜拜.
今年年頭老媽子又整o左盆紅掌比我, 我心諗, 水種植物, 比足夠o既水比佢咪得囉, 好易打理o既o者. 就係咁過o左十個月, 今個月佢係上星期突然離奇死亡, 而另一盆o既葉子植物又係咁枯死o左, 搞到我o地諗埋一邊, 係咪屋企殺氣太勁呢, o的植物係咁幫我o地擋晒而搞到自己魂歸天國. 所以我o地上星期放假時就去o左花墟買花
, 今次我專揀一o的粗生少少o既植物, 好似仙人掌 (斷估佢唔會咁易死). 今次仲問清楚晒究竟應該點打理, 幾耐澆一次水, 幾耐施一次肥, 跟足步驟, 睇下會唔會可以種得耐o的. 今次買o左四種植物, 有頭先講o既仙人掌啦, 發財樹, 玉葉同埋冬葉, 加加埋埋都駛o左成七百蚊, 真係無諗過植物都要咁貴! 其實貴唔係貴係植物度, 反而係o的器皿, 好似圖中大家見到o個三個黑藍黃o既盆, 已經要成二百幾蚊, 都幾肉痛. 但係整o左出o黎個效果又真係幾 “得”.
放o左呢o的植物係屋企, 感覺真係好o左好多, 生機無限咁! 而且屋企又多o左o的色彩, 無咁單調, 可以調劑一下, 加埋望多o的綠色都會對眼睛好. 所以大家不妨都買返o黎玩下! 或者買一小盆放係 office 都好o架, 我都計劃再買一盆仙人掌放係公司. 唔知大家有無興趣呢?
Be First to Comment