10 月 2 日係我同 Victo 結婚 2 週年o既日子! 回想 2 年前, 真係忙到嘔, 由早上直踩到零晨, 先至可以返屋企抖抖…. 諗返而家都覺得隻腳痛! 今日o既天氣同 2 年前o既天氣都差唔多, 又係到 4 點幾 5 點就, 早上就天朗氣清, 又真係會咁橋o既!
今日特別請o左日假, 兼無入珀麗灣打波, 同 Victo 去行下街, 夜晚就去天后o既 Mi Casa 食o左餐蠔宴. 間餐廳就比較細, 只係得 14 個座位. 初時以為呢間餐廳位置咁僻, 應該唔會好多人o黎, 點知, 坐落唔夠半個鐘, 就全院滿座, 好彩我o地有 book 枱.
我o地o黎得呢間蠔吧, 當然係主打食蠔啦. 不過雖然話係蠔吧, 但係佢o地o既選擇就無 Oyster Station, Oyster Express 咁多啦! 我o地一o黎就叫o左個生蠔拼盤 – 有十隻蠔, 有五款品種, 另加翡翠螺 2 隻同埋白酒 2 杯. 跟住我o地當然意猶未盡啦, 各自再叫多o左幾隻蠔食. 本身想叫少少肉類食, 但係見款式都唔係咁多, 最後只係叫o左甜品 (心太軟, 正! 好味!) 就埋單走人.
Victo 都好滿意, 當然啦, 呢o的行程同節目安排, 全由佢一手包辦, 佢又點會唔滿意呢!!
今日雖然無乜特別點去慶祝, 但係都好開心, 因為可以連放 4 日假, 比自己差差電, 抖下. 而且 Victo 好有心, 送o左張咭比我, 寫o左o的好有 meaning o既說話…. 真係感動到…..喊啦!! 哈哈, 當然無咁誇張啦, 不過點都好, 都知道 Victo 好有心思, 細心.
多謝你呀, 老婆!!!
圖片取材自 www.123RF.com