Skip to content

蛇口一日遊

今日一大早就同屋企人出發去蛇口, 試下個新口岸, 試試點樣一地兩檢.  嘩, 原來真係幾方便, 起碼唔駛好似皇崗咁, 係中途要坐黃巴士, 又上又落, 咁鬼麻煩.  而且新口岸人又唔係多, 好順暢就過o左關.  前後連車程都只係半個鐘左右就到o左蛇口!

其實今次過去都無乜特別目的, 只係亞媽聽說蛇口有間o野食自助餐幾好, 想去試, 所以就應承同佢一齊去.  點知到今日都未搵到間o野係邊.  所以係食 lunch o既時候, 就隨意去o左一間叫 “三湘人家” o既食肆, 點o左五個小菜, 有 “孜然豬串骨”, “三湘土雞”, “一品竹燒鴨”, “蒸炸饅頭”, “茄子豆角”, 埋單都係 $176.  抵食!!

食飽之後, 我o地就轉戰 Wal-mart 行街街.  中國真係地大, 超市都大到可以行o左半日.  我o地仲買o左好多o野添…  然後係隔離有一個大型商場, 聽 Victo 講, 話o的雜誌介紹過, 話呢個係深圳又一城喎..  其實又幾貼切喎, 裡面有 puma, 有 Nike, 有 adidas, 又有 apple, 同埋 b+ab, izzue 等等o既名牌店, 真係似足香港!!

行o左大半日, 跟住就拎住o的勝利品搭車返屋企, 但係途中就發生o左一o的小插曲!  搞到我好 sad….  話說回程上車之時, 我比人扒o左個手提, 好彩我習慣返大陸係拎一部舊o既手提返去用, 所以都算係不幸之中o既大幸.  而銀包同另一個手提就因為放o左係心口個斜孭袋度而無比人偷到… 嗚嗚~~~~

最後都要講返句粗口 : 你個死扒手,  Fxck~~~

Published in行街街

Be First to Comment

Leave a Reply