Skip to content

荃灣區籃球聯賽 – 第六場

日期 : 28/June/2007
地點 : 楊屋道街市室內運動場
賽果 : 31 : 35 (PISA vs Tofu)

結果, 三連敗!!  今場比賽我o地只有八個人到o左,  仲要有兩三名主力球員無o黎到, 戰鬥力即時減弱, 結果……  唉, 又再敗陣~~~

近呢幾場比賽, 全部都係輸五分以內, 同樣都係最後一節衰收尾…  令我諗起 NBA o既 Houston Rocket, 同樣係今年o既常規賽, 成日係第四節比人搶分, 守唔住第四節而輸波, 情況就同我o地一樣, 永遠係第四節就比人爬頭, 自己得唔到分, 又守唔到對手, 原來最大o既敵人就係自己…  呢個第四節o既問題, 真係要認真咁諗諗!!  究竟係體力不繼?  精神唔夠集中?  定係…….  其他因素?  

今場對手o既平均高度係高過我o地, 我o地除o左有鬼仔 Simon 可以頂得住之外, 其餘都係比人矮o左少少..  所以係搶籃板方面係輸o左好多.  頭先都講o左, 兩大主力射手無o黎, 外圍攻擊力嚴重下降.  內線又唔夠人強, 加埋本身球隊發揮唔算好, 走位配合, 射波效率都係欠佳, 對方雖然高大, 但係整體實力都唔係算太好, 所以我o地雖然以咁o既陣容, 都可以有力一拼.  但最終臨場發揮, 同埋幸運之神o既眷顧, 佢o地贏o左, 我o地輸o左, 真係無得講!!

都係o個句, 下場希望人齊, 大家發揮正常, 贏波返o黎!! 

YEAH~~~

Published in運動

Be First to Comment

Leave a Reply