Skip to content

Sarah & Terry Wedding

永遠都咁神秘

上個星期六, 六月二十三日, 係亞華佢o既大日子.  佢終於結束o左呢場愛情長跑, 同佢拍o左拖十年半o既男友 – Terry 拉埋天窗.  恭喜, 恭喜!!  

當晚佢o地係 Langham Hotel 朗廷酒店延開三十幾四十圍.  呢次係第三次參加酒店o既婚宴.  今次食o既菜色都幾特別, 好似有一味係格蘭焗嚮螺, 勁好味!!  自從有o左律師都可以做証婚人之後, 好多人都少o左去政府o既註冊處註冊, 通常o的人去伊甸園, 去教堂.  今次比較特別, 因為亞華係酒店o既開席前先做註冊儀式, 感覺好舒服, 好特別.
(不過最掃興係左手邊有一台廠佬, 新人係度註冊宣誓時, 佢o地係咁嘈, 係咁大聲講o野, 真係想即時走過去打佢o地一鑊金.)

另外新郎哥好有心思, 可以睇出佢對亞華真係好好, 佢係報紙度登o左一則啟事, 就係愛的宣言. 真係冧死老婆仔囉!!  整晚氣氛都好好, MC 都表現得極之 Professional, 後來先知道, 原來佢係專業 MC, 特別請返o黎o架..  

今晚都有好多好多特別事, 好似之前所講, 特別o既菜色, 酒店註冊, 專業 MC, 其實仲有一樣特別事, 就係李敏係 Koera 返o黎o左, 特登比新娘子一個 surprise.  你個李敏, 都算古惑.  

今晚都影o左好多相, 只係短短四五個鐘, 我都影o左成百幾張相. 厲害!! 大家可以去回憶集睇下當晚o既盛況!

當然, 點都要再係度恭喜亞妹!  祝你
永遠都咁靚, 同 Terry 白頭到老, 年生貴子!!  !!

圖片取材自 harthomedecor.com

Published in朋友

Be First to Comment

Leave a Reply