近排聽得最多o既應該係金融海嘯呢四個字, 因為美國o既次按問題, 令到一間間國際知名o既企業相繼清盤, 就連一個國家冰島都有可能要宣佈破產, 真係誇張. 係香港, 當然受到呢個金融海嘯o既影響啦, 當中最勁就係雷曼破產之後, 香港不少買o左雷曼相關產品o既投資者走晒出o黎, 話銀行呃佢o地, 引導佢o地錯誤購買, 要銀行賠償. 諗返轉頭, 原來香港有好多有錢人, 真係禾旱冚珍珠, 唔係呢件事, 都唔知道添. 跟住又傳東亞銀行濟提, 又話會破產, 搞到o的人係咁去銀行提錢, 有日係新聞見到有人居然提o左 380 萬 放入背囊, 仲係記者面前講, 原來 380 萬係得咁少.
而家呢個時勢, 個個都擔心飯碗不保, 呢間裁員, o個間又減薪, 有o的公司轉頭就執埋, 老闆走埋佬… 係呢個時勢, 真係有份工打已經好好, 所以搞到個個都唔敢消費, 出街食飯少o左, 買o野少o左. 好多行業為o左吸引消費者, 未到聖誕已經推出大優惠, 什麼 70% Off, 50% Off, 買一送一, 總之就係要吸引你去買o野.
我呢o的走在潮流尖尖o既人, 當然趁熱鬧加入埋呢個戰團啦. 不過唔係公司大割價減月費, 亦唔係有乜o野免費上門檢查優惠, 又唔會有預繳一年服務費, 免你一個月月費優惠. 而係小弟本人加入呢個戰團, 將屋企心愛o既喇叭, Stereo AMP, CD 機大清倉. 簡直用超抵價放售. 而家科技咁發達, 當然唔似得以前咁, 要搵二手佬, 當o的o野係爛銅爛鐵咁賤賣. 而家只係需要坐係屋企電腦click 一 click, 你就可以放上網, 過程真係好簡單.
其實呢樣o野都幾好, 將自己唔要o既o野, 賣比有需要o既人, 一來可以換返o的錢, 二來又可以幫o的器材搵到頭好住家, 唔怕佢o地就咁當癈鐵回收, 繼續佢o地o既任務, 服務大眾. 今個星期, 一口氣賣出o左 CD 機, Stereo AMP 同埋 Sub-woofer. 一個一個咁將佢o地送出門口o既時候, 感覺自己有o的似孤兒院院長, 將一個又一個o既孤兒送比人, 一方面覺得好 down, 一方面又會好欣慰, 終於有人收養佢o地. 希望佢o地係新環境住得開心, 一展所長啦.
計一計佢o地係我屋企住o左幾耐先!
