Skip to content

Happy Birthday 生日快樂 to me

話咁快又過o左一年, 又到o左自己生日o既日子.  上一年我做緊乜呢?  有乜o野慶祝活動呢?  忘記o左添…  今年o既生日, 原本都無乜話要點慶祝, 但係公司班同事朋友好有心, 佢o地話幫我慶生日, 仲話請我去 Oyster Station 添…  嘩, 真係多謝晒佢o地.

今日一起身返工, 居然發生o左一件幸運事.  之前先同 Victo 講過, 我未遇過咁o既情況, 估唔到今日生日, 一早就發生o左.  就係…. 搭巴士唔駛錢.  今日上車時, 巴士司機: 八達通壞o左呀, 你上車得o架啦!  唔駛錢!  嘩, 又真係估唔到, 咁都得??  壞o左都繼續開車.  點解唔搵過另一架車呢?  奇怪!

今日收到好多朋友o既 msn, sms o既祝賀, 喺度多謝你o地.  今年o既願望係………..

不能說的秘密, 自古都有講啦, 講o左出o黎會唔靈o架!

以前細細個, 好多時都想屋企人同自己慶祝生日, 食下 cake, 個感覺好 warm.  因為覺得屋企人重視自己, 而且細細個, 梗係想收生日禮物啦.  但係大大個之後, 就好似反而想平靜o的過.  生日, 都唔係乜o野特別日子, 只係 365 日o既其中一日.  當然, 朋友約你食飯慶祝生日, 都係開心o既, 因為都代表自己人緣好, 如果唔係鬼理你咩…  係咪先!!  所以我都好多謝各位邀約我食飯o既朋友.  

曾經以前同亞 ken 玩o左個好傻o既遊戲, 就係大家儲五年錢, 每年一千, 跟住o係第五年朋友生日就拎出o黎買份禮物.  記得o個次係送o左部電腦比佢!  點解會無啦啦有咁o既 game 走o左出o黎, 邊個發起, 我都唔係好記得.  都唔明, 點解玩咁大…  哈哈…!! 

當然最重要都要同自己講返聲 HAPPY BIRTHDAY to me~~  

圖片取材自 www.clozemaster.com

Published in關於我的....

Be First to Comment

Leave a Reply

Your email address will not be published. Required fields are marked *