香港嘅公園平時就去得多。平日去人少少,無咁嘈。但逢假日去就會見到大量姐姐們,香港人去野餐。無計,香港地方少,郊野公園一到假日就會好似街市咁迫爆。無論你想去野餐,去BBQ都好,一定要早起身去霸位,霸爐。都係嗰句啦!香港地方細嘛,人又咁多,難得假日,當然想同屋企人、朋友仔去郊遊啦! 嚟咗英國一個月,我都只係去咗屋企附近個公園行過下。呢個公園面積都好大,有條人工河道,又有個湖,當然仲有好多樹啦!而呢度真係人唔算多 (可能我住呢區人少),無論你幾時嚟都係咁上下。第一次嚟本身諗住睇下啲鵝,鴨,雀仔,欣賞下日落湖景。點知突然有隻松鼠走埋嚟身邊,仲同蘇哈兩小妹拎嘢食,好似完全唔怕人咁。然後再發現呢度原來有好多隻松鼠走嚟走去,好得意,蘇哈都追住佢哋嚟睇,好興奮。 去完第一次已經令蘇哈難忘,日日都話想拎啲 nuts 去餵下松鼠,麪包去餵下魚,雀仔。終於等到有日天氣好好,一大早叫佢哋起身,然後出發去餵松鼠。成朝去到蘇哈都不停餵雀,我就無無聊行嚟行去搵松鼠,原來咁早無乜松鼠,佢哋應該四五點先會出現。餵咗成個幾鐘 (究竟你哋帶咗幾多麵包嚟餵雀?) 我就話去下後面睇下係乜嚟,次次嚟到都只停喺呢度欣賞啲鴨,鵝,雀。。。 原來佢哋餵晒啲麪包所以先肯起行😫。行下行下,終於畀佢哋見到松鼠啦!有幾隻喺樹上走嚟走去,佢哋即刻拎咗啲 nuts 出嚟餵松鼠 (喂,其實你哋仲有無帶其他嘢嚟餵唔同動物?🤔)。其實佢哋係咪真係食得嘅呢?餵得咁上下,我又發現前面原來有個遊樂場,仲有好多遊樂設施,真係睇見大人細路都開心呀。拿拿聲叫佢哋嚟睇,諗住同佢哋去玩啦!點鬼知佢哋鐘意餵松鼠多過玩,又估唔到喎。 同一時間又畀我發現隔離場邊原來有個籃球場,yeah,下次可以自己帶個波嚟打。不過睇真啲,原來係籃球場加足球場先啱。佢籃球架底下面整咗個龍門架,咁就可以一場二用,讚。但係以我所見,踢足球嘅人已經霸咗兩邊場(果然係足球國家),場外張櫈見到有個好落寞嘅身影,一個拎住籃球嘅少年坐咗喺度望住個場,心裡面個滋味一定唔好受 (我明, 我真係明)。 繞咗個籃球場一圈,返到遊樂場已經見到蘇哈佢哋係度玩緊,當然都係因為無晒 nuts,所以咪可以走嚟玩囉。呢個遊樂場有大量鞦韆,有氹氹轉,有瀡滑梯。。。。最特別佢有一個飛越繩索畀你玩,啲細路個個排晒隊一個一個輪住玩,好有秩序禮貌。有啲大哥哥見到妹梅喺側邊等打鞦韆,仲會主動落嚟畀佢玩,唔會霸住玩好耐。不過可能始終都未咁識英文,妹梅都未可以同啲小朋友傾計,玩埋一齊。不過佢又好 enjoy 自己一個去玩。啲家長們都約埋兩三個家庭,一路嘆咖啡食早餐,吹水,一路睇住啲細路跑嚟跑去,都幾悠閒。 玩完一大輪,又係返屋企煮 […]

大佬,剪頭髮有乜好講!咪就咁行入去同人講剪髮囉,有乜特別。 無錯,原來其實就係咁簡單。之前睇 FB,啲人話好驚去剪頭髮,因為外國人根本唔明你哋想點剪,佢哋都係用返自己外國呢套嘅剪髮方式,即係有啲類似 QB 嘅髮型一號、二號,剪完頭髮出嚟嘅人真係一式一樣。 其實自己一早都想去剪,但見到咁多 FB 負評,本身都有啲郩底。加埋平時出街又唔係話太唔方便,所以一直拖拖拖。對上一次剪髮已經係一月中嘅事,即係已經兩個多月無剪,平時都係一個月就去剪,保持清爽造型,而家咁鬼長真係幾煩。。突然的起心肝去剪髮,都係因為我心愛嘅籃球緣故。事緣 2 星期前打波時已經成日要撥頭髮,打打下又塌晒落嚟,好唔舒服。上星期再打時已經噴多咗定型噴霧,亦用多咗髮泥做固定,但係都係唔太得,搞到好樣衰。就係因為為咗打籃球可以專心啲,我第二日就去咗屋企附近間理髮店 Barbershop。 講樣我留意到嘅事畀大家知。呢度真係好多 Barbershop 㗎,真係總有一間喺左近。我住嘅呢度條街已經有 3、4 間,真係有咁多人日日都要剪髮嘅咩?我都睇過,平均價錢 £14 。我見過最平係 £13,最貴 £18,但大部份都係

剪髮 ( Haircut in UK )Read More »

去旅行,首要當計劃去邊度啦!然後訂機票,再跟手就係計劃行程。 以前就會去旅行社買機票連酒店套票,而家就係上網 book,skyscanner,agoda,expedia…… 真係方便好多。 以前去到當地國家,大家都會靠旅遊天書,以前可能會行咗好多冤枉路。 而家大家會靠 google,打開個 google map 再跟住嚟行就得啦! 當然,而家去到當地,打開 google map 係要有上網服務先得。 咁大家會一早喺香港買定?定係去到先搵電訊商買咭? 各人有各人做法。 以前我去台灣,好多時都會去到當地先做上網登記,後來就喺鴨記買定。 記得好早期鴨記都仲未有上網咭,有都可能比較貴,所以都會去到台灣先申請。 不過當地申請都幾煩,又要登記,又要影印護照,分分鐘搞一張咭上網都要成個鐘。 而家當然唔需要咁耐啦,走去鴨記買,落地插咭入電話就用得。

英國 giffgaff 電話咭Read More »

一年一度嘅聖誕節又到了。今年無得出國旅行,唯有留喺香港過聖誕。記得上年開始送聖誕禮物。上年送咗 Lenovo Tablet 畀蘇菲 & 妹梅,Google Chromebook畀 Mimi. 今年蘇菲已經不停咁問我有冇聖誕禮物,妹梅見家家問,佢又問埋一份。 Mimi 就更加唔駛講,更加要買畀佢,無理由兩個女有,佢無㗎嘛! 今年送乜好呢? 好彩次次都咁啱得咁橋,總有啲嘢又咁啱壞,我就唔需要諗去買乜。好似 Mimi 咁,咁啱早兩年送嘅 Fossil smartwatch 死咗,今次當然藉住呢個原因,走去買隻 moto smartwatch

聖誕禮物Read More »

清山塾

呢度環境清幽,有All Day Breakfast, 又係 Cafe,又係書店。不錯,可以靜靜咁度過一個休閒時光。 圖片取材自 www.hk01.com

深圳灣半日遊。 原本三四月去,拖到今日先有時間約齊人去。仲要我一拖五美女去,真係艷福不淺。 今次去都只係打算去下 Line Friends Cafe & Store, 等亞囡們去同啲大公仔影下相,所以就約咗一點係深圳灣口岸等,過關再搭M299巴士係海岸城落車(車程大約十五分鐘)就得,好方便。去到門口,妹妹見到大型 Brown 公仔係門口,已經急不及待跑咗過去要影相。因為實在太肚餓,我哋就先去搵咗個位坐低,然後去買嘢食。呢度嘅價錢其實同香港差唔多,所以唔好諗住食平嘢,但係啲嘢食都幾好,對得起個價錢,不錯。 食飽飽,班美女就去晒store睇嘢影相, 我就自己一個繼續係度睇下手機上吓網等佢哋返嚟(因為三月嘅時候我已經嚟過兼影咗好多相)。都唔知經過幾耐,佢哋返嚟之後又話要試埋啲 cake 甜品先。 咁樣就 hea 咗一整個下午。 圖片取材自 www.gotrip.hk

近排頻頻落雨,終於發覺架車仲欠乜,原來就係雨擋。今日趁天氣稍為晴朗,就將新買嘅雨擋自己貼上去。原來加咗雨擋之後,架車又唔同咗感覺,又靚咗好多。。。

Stepwgn RK DIY 系列第3彈 上網見到好多人都有安裝發光腳踏, 真係好鬼靚. 搞到心思思, 走去問人邊度可以搵車房整, 點知啲谷友話自己DIY啦! 只係需要搵啲靚靚腳踏返嚟, 再自己DIY就可以. 經過谷友嘅指教, 膽粗粗買套腳踏, 然後就開始安裝. 安裝需時大約半天, 如果熟悉嘅話, 應該一兩個鐘就可以搞掂 準備工具1. 10m電線2. Power

腳踏走馬燈Read More »

揸開BMW,鎖車時㩒耐少少會自動摺起後鏡,但係原來Stepwgn係無呢個功能,成日都唔知自己係咪鎖咗車。不過,原來坊間有好多補品,今次係淘寶搵到呢款鎖車自動摺鏡嘅法寶。一於試下,繼上次手機換鏡頭,換電之後另一DIY傑作。經過大約45分鐘嘅努力,終於成功咗。見到鎖車後會自動摺起對鏡,開車又會自動打開返,真係超有滿足感,好感動! 步驟:1. 打開車窗控制板面,係膠殼門邊會有一個窿,可以用筆慢慢陰力撬開,跟住慢慢成塊面板開晒。2. 將灰色頭嗰條綠色粗線(長火)駁控制器紅色線(圖中間左手邊幅相)3. 然後係尾部將黑色電線膠布剪開,將綠色粗線(有兩條綠色,小心)駁控制器嘅紫色線4. 將灰色線駁控制器灰線5. 連接控制器到控制板6. 測試是否可以鎖車時自動摺鏡,開車時自動打開7. 裝回控制面板,成功。