2008 年 5 月 12 日下午 2 時 18 分, 中國四川發生 8 級大地震. 截止今日, 死亡人數已達 2.2 萬人, 受傷者達到 16.87 萬人. 真係繼唐山大地震之後, 另一次大型災難. 中國o岩o岩先經歷o左大風雪o既洗劫, 估唔到今日又會受到地震o既摧毀. 當係新聞見到有咁多死難者時, 真係好唔開心.
今次香港人又再發揮助人精神, 又再一次團結起o黎幫助地震中o既災民. 係短短數日之內, 已經籌到四億元港幣o黎賑災. 希望地震災民可以靠呢筆善款o黎重建家園, 亦希望災民可以早日平復心情, 重過新生活.
係連日o黎o既新聞報導, 報紙雜誌, 見到o的死難者隨街擺放, 真係好心嗡. 報紙仲話有人要靠飲自己o的尿o黎生存; 有o的未獲救o既遇難者係瓦礫下不停咁同其他一樣未救o既遇難者傾計, 希望大家都唔會放棄生存o既希望; 又見到o的解放軍不停咁救人, 運送物資, 大家唔怕餘震, 齊心協力救人.
大家如果想出一分力去幫今次地震o既災民, 你o地可以透過以下形式去捐款. 多多益善, 少少無拘.