Skip to content

台中復活之旅 – 感受篇

今次係第一次同朋友去旅行, 好似之前去韓國咁, 因為就唔o岩o的時間, 所以損失o左一個同朋友去旅行o既機會.  印象中記得真係同朋友去o既已經係好多年前, o個次同 LoLo, 亞范同埋佢o地 U o既同學去o左泰國, 第二次同朋友去, 係同亞 Ken, 恩叔叔, 三條友仔去o左日本. 而今次就係第三次, 亦係大伙兒一齊去, 真係好開心.  呢種旅行有別於兩個人去o既旅行, 感覺好唔同, 真係我人生o既另一種回憶.

雖然呢次旅行, 未出發已經發生o左o的唔愉快o既事, 而係旅程中又再發生一o的唔開心o既事, 但最後大家都解決晒o的問題, 完成o左呢次o既旅行, 真係好難得.  一大班人去旅行, 有好多方面要注意, 有好多o野要顧慮, 但係大家都學識 – 溝通, 係四日三夜o既旅程上面, 溝通係最緊要, 如果大家無溝通, 大家又點對住大家四日呢?  

係呢四日o既生活, 明白一樣米真係養百樣人, 每個人都唔同, 要求唔同, 性格唔同, 點樣調節自己去配合其他人?  點樣同朋友相處, 見到朋友同老婆o既相處, 朋友o既另一面, 好多內心世界, 好多不為人知o既另一面.  如果唔係透過呢次旅行, 都唔會大開眼界.

係度點都要多謝團長o既努力, 佢o既策劃, 先可以令到一班朋友聚集起o黎.  Thank you!
范小姐o既協助之下, 我o地可以拎到平價機票.  Thank you!
李小姐透過朋友協助下, 令我o地 book 到間咁好, 咁獨特o既若茵農場.   Thank you!
所有團員, 係你o地合力配合之下, 將呢個旅行搞得有聲有色.  Thank you all guys.  


想知道另一o的團友o既想法?  可以 click 入以下網址:
http://vanifan.spaces.live.com/
http://www.xanga.com/victo_victo


台中遊螢幕保護程式(需要登入才可下載)

圖片取材自 jobus.tw

Published in周遊列國

Be First to Comment

Leave a Reply