係三月尾, 報讀o左一個四日o既 training course, 而呢個 course 剛剛係四月尾結束. 雖然佢係 training course, 但係原來要考試, 仲要係考兩個試. 如果考試合格, 你就係相關產品o既認證工程師.
四月二十二日就係第一堂, 地點係鰂魚涌, 早上九點半開始到下午六點. 第一日返學, 真係好唔慣, 太早起身 (天呀, 七點起身!), 上堂時真係有o的釣魚, 唔知點解, 以前上堂係咁, 而家上堂又係咁; 不過有一樣o野係變o左, 就係時間過得快o的, 由返學到放學, 覺得好似過得好快咁, 話咁快又放學. 唔知係咪真係自己留心聽書o左, 加上對隻產品o既功能唔多認識, 所以特別留心聽書, 唔知係咪咁, 所以時間都過得特別快.
其實報名時已經知道要考兩個試 – 201 和 301, 原本以為會好易過關, 點知係第一堂, 亞 sir 話 201 難唔到你o地, 但係 301 就比較困難, 合格率會比較低, 你o地要留心聽實, 要溫習下. 佢仲話 301 之前係星加坡開班, 只有 30% o既人合格, 香港對上一班只有 40% 合格, 大家聽完之後都好緊張, 希望自己可以 pass.
第二日考第一個 Exam 201, 一個鐘答七十條題目. 真係好難, 第一個感覺, 呢種似曾相識o既感覺又返o黎我身邊, 太耐無考過試, 又無讀過書, 真係擔心自己會 fail, 自己都唔知自己應唔應付得到. 平時拎隻 product 叫我 set 就話o者, 叫我考試答返出o黎, 真係有o的擔心. 經過一個鐘o既時間, 我剛剛係時間到之前答晒所有問題, 當我按下 finish 呢個 button o既時候, 心裡一震, 唔好話比我聽唔合格呀, 跟住畫面出現 Congratulations 呢個大字, 唉………. 心中一鬆, 第一科 PASSED. 事後諗返, o的題目唔係太難, 只係自己有o的緊張, 答題目時個腦唔係好識轉, 反應慢, 搞到答題目都耐o左, 應該可以早o的交卷同埋答得好o的.
連續過o左四日, o黎到最後一日, 要考 301, 因為之前有同學考唔到 201, 所以 301 就無得考, 而亞 sir 又再一次同我o地講, 上次 201 你o地拎o既分數減 10 分, 就應該係你o地今日o既分數. 嘩, 弊傢伙啦, 上次 75, 今次要減 10 分, 即係得返 65 分, 剛剛合格 (65分或以上合格), 但係數唔係咁計o架嘛. 今次 301 得六十條題目, 但係有成個半鐘時間比你答, 即係o的題目係難o左, 深o左, 加埋上堂時真係覺得難度大o左, 上次 201 都係剛剛夠時間, 唔知今次會點呢…. 個心真係跳得好厲害, 好緊張….
考試開始, 一路做, 一路睇時間, 真係深好多, 跟上次一樣, 剛剛做得晒. 當我按 finish button 時, 個心簡直好似蝴蝶飛出o黎咁呀, 隔離o既同學都係好似我咁, 當見到 screen 出現 Congratulations 時, 真係開心死. 終於都合格, 呼~~~
其實考試都唔係乜o野一回事, 點解自己今次會咁大壓力呢 我諗應該係因為今次公司比錢去讀, 如果考試肥佬, 真係會o徙o左公司錢,
第二係身為老大, 去讀書都 fail, 點對得住o的o靚呢?
第三面子問題, 自己都唔想衰, 如果衰返o黎, 實會比公司人笑….
第四, 自己都想考到, 替自己增值, 增加本錢都好.
好彩, 最終都合格. 不過下次都唔好再搵o的咁o既o野o黎搞, 真係要了我的命!!
Be First to Comment