Skip to content

林海峰 – 是但嗡 踎低噴飯

個星期終於”的”起心肝, 拎個 subwoofer 去樂聞維修, 而係早幾日樂聞職員電話通知已經維修完成, 只要放低六百五十蚊, 即刻可以拎返屋企.  今日星期六一早過去車返個 subwoofer,  返屋企當然第一時間插返好晒o的線, 即刻拿拿臨拎套戲o黎睇, 試下先啦.

原來無o左 subwoofer 真係相差好多, 好遠, 而家o既感覺真係實在好多好多.  不過有一點暫時仲未可以求證到, 就係我拎去維修前, 我仲可以用到個 remote, 但係今日就無反應!  唯有等我問到朋友借佢個 remote o黎試試先至知係邊樣o野壞o左.

講o左咁耐, 先生, 你幾時先講林狗呀?  唔好急, 呢個係序o黎o架, 睇落去啦!


咁辛苦搬個 subwoofer 返屋企, 當然, 我唔會放過咁耐無睇戲o既機會, 今日就連續睇o左兩套, 第一套係死亡筆記, 第二套就係林狗o既是但嗡踎低噴飯

睇林狗, 真係每一兩分鐘一小笑,  五六分鐘一中笑, 九至十分鐘一大笑.  呢次呢個 TalkShow 有一個主題, 就係教你做人凡事都可以睇開o的, 輕鬆o的.   咁你就可以….訓唔著唔駛食安眠藥,食碗飯,飯氣攻心,自然就訓得著


呢句就係今次 TalkShow o既格言!  希望每個人都可以抱住”超低能,勁搞笑”呢六個字快樂做人.

其實, 如果我係度寫o的內容比大家睇, 大家未必會睇得明我係度講乜, 所以大家都係去買隻碟返o黎慢慢睇啦!

咁都得, 你乜都無講喎~~  超低能!  你睇完之後就會明白~~  勁搞笑!

Published in影音天地

Be First to Comment

Leave a Reply