Skip to content

棟篤笑

近排睇o左好多棟篤笑, 繼之前推介過o既林海峰- 踎低噴飯之後, 今次睇o左另外三套o既棟篤笑.  分別有黃子華o既兒童不宜; 森美o既 The Show Must Go Wrong; 林海峰o既求其大合唱.

三個人, 分別有唔同o既表演手法.  當中最令我喜歡o既係林海峰, 佢真係好得, 腦筋真係轉得好快, 好多時都會爆下肚, 臨場執生又夠快, 有時觀眾比佢寸o左都唔知, 佢會令到在場人仕個個都咁開心.  佢講o既好多時都係生活方面o既事, 令你好有共鳴.  

而第二個喜歡o既係黃子華, 佢其實同林海峰一樣, 講樣樣o野時都可以 draw 到你o既 attention, 真係連洗手間都唔記得去.  黃子華o既棟篤笑通常都係會有o的色色o地o既o野, 觀眾會睇到哈哈大笑.

反而森美, 可能佢經驗尚淺, 表達手法同演譯手法都比兩位前輩遜色, 好多時都可以睇到佢會好吃力.  好多時會靠服裝/舞台去表達, 仲要靠其他人o既表演, 先可以做到棟篤笑效果.

講開森美要靠道具去表達所講o既o野, 反而林海峰, 黃子華佢o地, 真係全場都係一個人企係台上, 一個人講o野講成兩個幾鐘, 佢o地真係只係靠一把口, 就可以完全咁吸引住觀眾, 真係佩服佩服.  我諗呢o的才能唔係個個都得.  我身邊又有無朋友可以做到呢?  其實咁多個棟篤笑, 個個都係差唔多, 都係講下o的時事, 生活事, 潮流o野, 唔同o既係表演o既人所演譯o既方法, 究竟邊個你會覺得吸引你.  

大家又最喜歡邊個呢?

喜歡棟篤笑o既朋友, 記得去買返隻林海峰 – 求其大合唱睇下啦, 黃子華都好好笑o架! 包保笑死你!! 

Published in影音天地

Be First to Comment

Leave a Reply