< Day 4 >
由於呢間係五星級酒店, 估計早餐都應該唔錯, 所以今朝全家都早起, 一齊落去食早餐…. 加上臨別當然要再玩多次車車先走啦. 9:00am就落去食早餐, 嘩~~~~ 真係嘩了一聲, 好正, 好好食. 麵包, 粥, 水果, 最正係有一個現場鮮榨果汁吧…. 飲咗兩大杯鳳梨蘋果汁, 又食咗幾個芭樂…… 結果….. 返上房就要去洗手間… 哈哈哈!!
等亞囡玩多陣車車就 Check out 了, 向住今日目的地進發. 可惜, 今早天公不造美… 落起雨…. 原本景點係去宜蘭好出名的幾米公園, 丟噹噹森林, 幸福轉運站, 不過落雨, 唯有 Mimi 自己擔遮落車去影相. 點解得佢一個去? 咪就係因為早起身, 小朋友一上車就話要瞓覺, 唔去參觀景點了. 咁我唯有留係車度照顧佢哋啦!
等 Mimi 返上車, 我們又再向另一個景點出發, 白米木屐村. 一路向蘇澳進發, 雨點就愈來愈小, 真係非常好… 天氣唔悶熱, 又清涼, 真係舒服到不得了.
去到木屐村, 入場服務員提議我們先吃午飯比較好. 因為待會造木屐, 參觀木屐制造, 需要差不多2小時. 我們隨意在附近找了一家街邊小檔吃了三星葱餅, 魚丸湯, 炒年糕. 估唔到隨便咁係街邊食飯, 都覺得好好味.
參觀木屐村, DIY木屐鎖匙扣, 買紀念品, 真係用了差不多2小時. 見還有時間, 而剛剛過來的路上見有蜡藝彩繪館在附近, 便順道過去參觀.
蜡藝彩繪館更適合小朋友, DIY工作坊, 填顏色, 做 Marker, 壓制蜡像, 身體彩繪…. 玩到身心疲累. 玩到傍晚6點, 便向民宿出發, 先安頓好行李, 再去食晚飯.
今晚民宿係比較清幽一點, 沒有小朋友設施, 沒有特別花巧, 只是我在網上看時, 感覺有點清幽古雅感覺. 這間民宿房間沒有優的民宿那麼大, 但大部分傢俱都是木造的, 有點淡淡清香味道. 雖然室外很多蚊蟲, 但室內半隻蚊都沒有. 這個可能和那些木有關係.
放低行李, 便向嘉澎碳烤牡蠣出發. 打開 GPS 導航, 很快就到了. 不過, 點解個名變了做 “嘉朋” 碳烤牡蠣, 雖然感覺不妥, 但山長水遠來到, 點都要食, 因為很肚餓. 隨便點了數個小菜. 碳烤牡蠣, 田螺, 台灣腸, 扇貝, 肉燥飯, 再加一個蛤蜊絲瓜湯. 雖然唔係原本那間, 但呢間都好好好味. 後來上網再查, 原來這個地址是舊總店地址, 但數年前已經搬了…. 但車用 GPS 還未更新, 所以就導航我們過來. 下次要再用 google map 再檢查一次.
因為食碳烤, 唔夠飽, 又走去羅東夜市再食過. 今次就試了阿灶伯當歸羊肉湯, 又再買一杯鳳梨檸檬汁. 阿灶伯當歸羊肉湯真係好足料, 藥材味濃, 羊肉又多, 真係無得頂.
一日又過去了, 仲有3日就要返香港了… 時間真係過得好快!
09:00 食早餐, 玩車車
11:00 Check out, 遊覽幾米公園
12:30 參觀白米白木屐之村
15:30 參觀蜡藝彩繪館
18:00 到達旅樹民宿
18:50 嘉朋碳烤牡蠣食小吃
20:30 羅東夜市食晚飯
